Misambu 90:1-17
Disambila dia Mose, muntu wa Nzambi mulelela.+
90 Yehowa, wewe utu anu muaba wetu wa kusombela*+ mu bipungu bionso bia bantu.
2 Kumpala kua mikuna kuledibuaAnyi kua wewe kupatula* buloba pamue ne maloba adi amenesha bintu,+Katshia ku bikondo bia tshiendelele too ne ku bikondo bia tshiendelele,* wewe udi Nzambi.+
3 Udi upingaja muntu ufuafua ku lupuishi;Udi wamba ne: “Pinganayi, nuenu bana ba bantu.”+
4 Bualu bidimu tshinunu bidi ku mêsu kuebe anu bu dituku dishale pakadidi dipite,+Anu bu tshilu tshimue tshia butuku.
5 Wewe udi ubakomba;+ badi balua anu bu tulu tua patupu etu;Mu dinda badi anu bu tshisonsa tshidi tshitoloka.+
6 Mu dinda tshidi tshiela bilongo, tshisampila,Kadi dilolo tshidi tshifubidila, tshiuma.+
7 Bualu tudi bashidisha kudi tshiji tshiebe+Ne bakuatshisha buôwa bukole kudi tshiji tshiebe tshikole.
8 Wewe udi uteka bilema bietu kumpala kuebe,*+Malu etu masokoka mmela patoke kudi butoke bua mpala webe.+
9 Matuku etu adi enda ajika* bua tshiji tshiebe;Ne bidimu bietu mbitue ku ndekelu anu bu dinunganyi.*
10 Bule bua muoyo wetu mbua bidimu 70,Anyi 80+ pikala muntu ne bukole bua bungi.*
Kadi mbiuwule tente ne ntatu ne tunyinganyinga;Bidi bipita lubilu, ne tudi tubuuka tuya.+
11 Nnganyi udi mua kujingulula bukole bua tshiji tshiebe?
Bunene bua tshiji tshiebe tshikole budi anu bu bua ditshina didi dikukumbanyine.+
12 Tulongesha mutudi mua kubala matuku etu+Bua tupete muoyo udi ne meji.
13 Yehowa wetu, pingana!+ Bualu ebu nebunenge too ne dîba kayi?+
Umvuila bena mudimu bebe luse.+
14 Tukutshisha ne dinanga diebe dia lulamatu+ mu dinda,Bua tuele mbila ya disanka ne tusanke+ matuku etu onso.
15 Tusankisha bilondeshile bungi bua matuku audi mutukengeshe,+Bua bidimu bungi bua muomumue ne bitudi bakenge.+
16 Bena mudimu bebe bamone mudimu webe,Ne bana babu bamone butumbi buebe.+
17 Dianyishibua dia kudi Yehowa Nzambi wetu dikale netu;Utantshishe* mudimu wa bianza bietu.
Eyowa, utantshishe* mudimu wa bianza bietu.+
Mamanyisha
^ Anyi pamuapa: “tshinyemenu tshietu.”
^ Anyi “kupatula bu udi udinyenga bua kulela.”
^ Anyi “Katshia ku bikondo bia kashidi too ne ku bikondo bia kashidi.”
^ Anyi “Udi mumanye bilema bietu.”
^ Anyi “Muoyo wetu udi wenda ujimina.”
^ Anyi “tshikuwa.”
^ Anyi “bua makanda a pa buawu.”
^ Anyi “Ujadike bikole.”
^ Anyi “ujadike bikole.”
