Misambu 73:1-28
Mujiki wa Asafa.+
73 Nzambi udi bushuwa muimpe kudi Isalele, kudi badi bakezuke mu muoyo wabu.+
2 Kadi meme, makasa anyiakavua mambe kupambuka,Bidia bia makasa anyi bikavua bisue kuselemuka.+
3 Bualu ngakatuadija kualakana bena diambu*Pamvua mmona ditalala dia bantu babi.+
4 Bualu kabena bakengakana bua kufua;Mibidi yabu idi ne makanda.*+
5 Kabena batatshishibua bu bantu bakuabu,+Anyi bakenga bu bantu bakuabu.+
6 Nanku, didibandisha ke wabu shene wa mu nshingu;+Mbavuale tshikisu bu tshilamba.
7 Bubanji* buabu budi buvuija mêsu abu malonzomoke;Mbapitshishe pa bivuabu belangana meji mu muoyo wabu.
8 Badi baseka, bamba malu mabi.+
Badi bafuna ne diambu bua kukengeshangana.+
9 Badi bakula benze anu bu badi muulu mu diulu,Ne ndimi yabu idi yenda idiuwuja pa buloba.
10 Nunku bantu bende badi basesuka baya kudibu,Badi banua mâyi a mu mâyi abu a bungi.
11 Badi bamba ne: “Nzambi yeye mmumanye mushindu kayi?+
Mutambe Bunene udiku bushuwa ne dimanya anyi?”
12 Bushuwa, aba mbantu babi badi nsombelu muteketele misangu yonso.+
Badi batungunuka ne kuvudija bubanji buabu.+
13 Bushuwa, ndi mulame muoyo wanyi mukezuke patupuNe musukule bianza bianyi patupu bua kuleja mundi tshiyi ne bualu.+
14 Mvua nkenga dituku dijima;+Dinda dionso mvua mpeta dinyoka.+
15 Kadi bu meme muambe malu aa,Mvua mua kuikala mutungile bantu bebe* tshitungu.
16 Pangakateta bua kumvua bualu ebu,Bivua bintatshisha
17 Too ne pangakabuela mu muaba munene munsantu wa Nzambi,Ke meme kujingulula tshikala matuku abu atshilualua.
18 Bushuwa, wewe udi ubateka pa muaba wa busenu.+
Udi ubakulula mu kabutu kabu.+
19 Mona mudibu babutuke diakamue!+
Mona mudi nshikidilu wabu ulua diakamue padibu bashikila bibi bitambe!
20 Yehowa wanyi, anu mutu tshilota padi muntu ubika ku tulu,Pawajuka, neumbushe* tshimfuanyi tshiabu.
21 Kadi muoyo wanyi wakanyingalala,+Ne ngakumvua binsama bikole munda muanyi menemene.*
22 Mvua mupangile meji, tshiyi ne dijingulula dia malu;Mvua bu nyama udi kayi ne lungenyi kumpala kuebe.
23 Kadi mpindieu, ndi nebe dîba dionso;Udi munkuate ku tshianza tshianyi tshia balume.+
24 Wewe udi undombola ne mibelu yebe,+Ne pashishe neumfikishe ku butumbi.+
25 Nnganyi mukuabu undi nende mu diulu?
Tshiena dijinga ne tshintu tshikuabu pa buloba to, anu wewe.+
26 Mubidi wanyi ne muoyo wanyi bidi mua kushikila,Kadi Nzambi udi dibue dia muoyo wanyi ne tshitupa tshianyi tshindi mupete bua kashidi.+
27 Bushuwa, bantu badi bashala kule nebe nebajimine.
Neushikije* muntu yonso udi ukulekela bua tshiendenda.*+
28 Kadi buanyi meme, kusemena pabuipi ne Nzambi nkuimpe buanyi meme.+
Ndi muvuije Mukalenge Mutambe Bunene Yehowa tshinyemenu tshianyi,Bua kumanyisha midimu yebe yonso.+
