Misambu 106:1-48
106 Tumbishayi Yah!*
Elayi Yehowa tuasakidila, bualu yeye udi muimpe;+Dinanga diende dia lulamatu didi dishalaku kashidi.+
2 Nnganyi udi mua kuamba bienzedi bionso bia bukole bia YehowaAnyi kumanyisha bienzedi biende bionso bidi biakanyine butumbi?+
3 Ba diakalenga mbadi benza malu ne buakane,Batu benza anu tshidi tshiakane.+
4 Yehowa, umvuluke paudi wanyisha* bantu bebe.+
Undame ne bienzedi biebe bia lupandu,
5 Bua mmone mua kupeta buimpe buudi uleja basungula bebe,+Bua mmone mua kusanka pamue ne tshisamba tshiebe,Bua mmone mua kukutumbisha ne kudisua kuonso* pamue ne bumpianyi buebe.
6 Tudi benze mpekatu anu bu muvua bankambua betu benze;+Tudi benze bibi; tudi benze bualu bubi menemene.+
7 Bankambua betu mu Ejipitu kabavua bajingulule* malu ebe a kukema to.
Kabavua bavuluke dinanga diebe dia lulamatu divule to,Kadi bakatomboka ku mbuu, ku Mbuu Mukunze.+
8 Kadi yeye wakabapandisha bua bualu bua dîna diende,+Bua kumanyisha bukole buende.+
9 Wakatandisha Mbuu Mukunze, yeye kuma;Wakabalombola mu ndondo ya mbuu bienze bu mu tshipela;*+
10 Wakabapandisha mu tshianza tshia muluishi wabu+Ne wakabangatulula mu tshianza tshia muena lukuna.+
11 Mâyi akabuikila baluishi babu;Kakuvua nansha umue wabu wakapanda.*+
12 Pashishe bakaleja ditabuja mu mulayi wende;+Bakabanga kuimba butumbi buende.+
13 Kadi bakapua malu avuaye muenze muoyo ne lukasa;+Kabakindila bua abapeshe lungenyi to.
14 Bakadilekelela ku nkuka yabu mu tshipela;+Bakateta Nzambi mu buloba bua munda mutupu.+
15 Yeye wakabapesha bivuabu balomba,Kadi kuluaye kubatua disama divua dibatekeshe ne dibanyanyishe* bikole.+
16 Bakumvuila Mose mukawu mu tshitudiluNe Alona,+ wa tshijila wa Yehowa.+
17 Nunku buloba buakabululuka, kuminabu Datana,Kubuikilabu bavua badisangishe ne Abilama.+
18 Kapia kakole kakatema munkatshi mua tshisumbu tshiabu;Ludimi lua kapia luakabutula bantu babi.+
19 Bakenza kana ka ngombe ku HolebaNe bakinamina lupingu lua tshiamu;*+
20 Bakashintakaja butumbi buanyiNe tshimfuanyi tshia ngombe utu udia bisonsa.+
21 Bakapua Nzambi Mupandishi wabu muoyo,+Uvua muenze malu manene mu Ejipitu,+
22 Malu a kukema mu buloba bua Hama,+Bienzedi bidi bikuatshisha buôwa ku Mbuu Mukunze.+
23 Uvua muambe kutuma dîyi bua kubabutula,Kadi Mose musungula wende wakabakuila kudiye*Bua kutshingulula tshiji tshiende tshidi tshibutula.+
24 Pashishe bakapetula buloba bulenga;+Kabavua ne ditabuja mu mulayi wende.+
25 Bakatungunuka ne kudiabakena mu ntenta yabu;+Kabakateleja dîyi dia Yehowa.+
26 Ke yeye kujula tshianza tshiende uditshipa bua bualu buabuNe: uvua ne bua kubakulula mu tshipela;+
27 Uvua ne bua kukulula ndelanganyi yabu munkatshi mua bisamba,Ne kuyitangalaja mu maloba mashilashilangane.+
28 Pashishe bakadisanga mu ntendelelu wa* Bâla wa Peô,+Ne bakadia milambu milambula bafue.*
29 Bakamufiikisha munda ne bienzedi biabu,+Ne tshipupu tshiakadituta munkatshi muabu.+
30 Kadi pakajuka Pinehasa ne kuimanyinaye bualu abu,Tshipupu tshiakimana.+
31 Bakamubadila bualu ebu bu buakaneMu bipungu bionso bia bantu bua kashidi.+
32 Bakamufiikisha munda ku mâyi a Meliba,*Ne Mose wakapeta lutatu bua bualu buabu.+
33 Bakasamisha lungenyi luende,Yeye kuakula tshiakulakula ne mishiku yende.+
34 Kabakabutula bisamba bia bantu+
Bu muvua Yehowa mubatumine dîyi to.+
35 Kadi bakabuelakana ne bisamba abi,+Kulondabu* njila yabi.+
36 Bakatungunuka ne kuenzela mpingu yabu mudimu,+Ne yoyi yakalua buteyi kudibu.+
37 Bavua balambula bana babu ba balumeNe bana babu ba bakaji kudi bademon.+
38 Bakatungunuka ne kumatshisha mashi avua kaayi ne bualu panshi,+Mashi a bana babu bobu ba balume ne ba bakajiBavuabu balambule kudi mpingu ya mu Kanâna;+Buloba buakanyanguka ne diela dia mashi panshi.
39 Bakalua bakoya mu malu akenzabu;Bakenda bundumba bua mu nyuma mu bienzedi biabu.+
40 Nunku tshiji tshia Yehowa tshiakatemena bantu bende,Ne wakafika ku dikina bumpianyi buende.
41 Wakabafila kudi bisamba bikuabu misangu ne misangu+Bua bavua babakine babakokeshe.+
42 Bena lukuna babu bakabakengesha,Ne bobu bakakokela ku bukokeshi buabu.*
43 Wakabasungila misangu ya bungi,+Kadi bavua batomboka ne babenga kutumikila,+Ne bavua bapuekeshibua bua tshilema tshiabu.+
44 Kadi yeye uvua umona dikenga diabu+Ne umvua muadi wabu wa dilomba diambuluisha.+
45 Bua bualu buabu, yeye uvua uvuluka tshipungidi tshiende,Ne umvua luse,* musakibue kudi dinanga diende dinene* dia lulamatu.+
46 Uvua wenza bua babumvuile luseKudi bonso bavua babakuate.+
47 Utupandishe, Yehowa Nzambi wetu,+Ne utumbushe mu bisamba bua utusangishe+Bua tuetu tusakidile dîna diebe dia tshijilaNe tusanke bua dikutumbisha.*+
48 Yehowa, Nzambi wa Isalele, atumbishibueKashidi ne tshiendelele.*+
Ne bantu bonso bambe ne: “Amen!”*
Tumbishayi Yah!*
Mamanyisha
^ Anyi “Aleluya!” “Yah” ntshikepeshilu tshia dîna dia Yehowa.
^ Anyi “uleja muoyo muimpe kudi.”
^ Anyi “kuditumbisha bua bualu buebe.”
^ Anyi “bumvue diumvuija dia.”
^ Anyi “buloba bua munda mutupu.”
^ Anyi “wakashala.”
^ Anyi “ditekeshe ne dinyanyishe anyima wabu.”
^ Anyi “lupingu lua tshiamu tshiengulula.”
^ Ku mua.: “wakimana mu mpelepele kumpala kuende.”
^ Anyi “bakalamata.”
^ Mmumue ne: mmilambu milambula bantu bafue anyi nzambi idi kayiyi ne muoyo.
^ Diumvuija: “Ditandangana.”
^ Anyi “Kulongabu.”
^ Ku mua.: “tshianza tshiabu.”
^ Anyi “umvua kanyinganyinga.”
^ Anyi “divule.”
^ Anyi “tusanke mu butumbi buebe.”
^ Anyi “Katshia ku bikondo bia tshiendelele too ne ku bikondo bia tshiendelele.”
^ Anyi “Bikale nanku!”
^ Anyi “Aleluya!” “Yah” ntshikepeshilu tshia dîna dia Yehowa.
