Misambu 77:1-20
Kudi muludiki; bilondeshile Yedutuna.* Wa Asafa.+ Mujiki.
77 Nendidile Nzambi ne dîyi dikole;Nendidile Nzambi ne dîyi dikole, ne yeye neanteleje.+
2 Dituku dia dikenga dianyi, ndi nkeba Yehowa.+
Butuku bianza bianyi mbimuoluela kabiyi bitshioka.*
Tshiena* mua kusambibua.
3 Pandi mvuluka Nzambi, ndi ntua mikemu;+Ndi mpampakana, ne bukole buanyi budi bujika.*+ (Sela)
4 Wewe udi ulama bilafinyi bianyi bikangula;Ndi mu dilubakana ne tshiena mua kuakula to.
5 Meji anyi mmapingane ku matuku a kale,+Bidimu bia kale menemene.
6 Butuku, ndi mvuluka musambu wanyi;*+Ndi ngelangana meji mu muoyo wanyi;+Ndi nkebulula* ne muoyo mujima.
7 Yehowa neatubenge kashidi anyi?+
Kakutulejaku kabidi luse luende anyi?+
8 Dinanga diende dia lulamatu ndimane bua kashidi anyi?
Mulayi wende newulue tshianana bua bipungu bionso bia bantu anyi?
9 Nzambi mmupue muoyo bua kuleja luse luende anyi?+Peshi tshiji tshiende ntshifikishe luse luende ku dimana anyi? (Sela)
10 Ngikale anu ngamba ne: “Mona tshidi tshintatshisha:*+
Mutambe Bunene mmutukudimukile”* anyi?
11 Nemvuluke midimu ya Yah;Nemvuluke bienzedi biebe bia kukema bia kale.
12 Nengelangane meji a mudimu webe wonsoNe nengelangane meji a ngenzelu yebe ya malu.+
13 Nzambi wanyi, njila yebe nya tshijila.
Nnzambi kayi udi munene bu muudi wewe, Nzambi?+
14 Wewe udi Nzambi mulelela udi wenza malu a kukema.+
Udi muleje bukua bantu bukole buebe patoke.+
15 Ku bukole buebe* udi musungile* bantu bebe,+Bana ba Yakoba ne ba Jozefe. (Sela)
16 Nzambi wanyi, mâyi akakumona;Mâyi akakumona wewe, kuvuandulukawu.+
Mâyi male akavunduluka.
17 Matutu akitshikija mâyi panshi.
Diulu divua ne matutu diakadidisha makubakuba,Ne mikete yebe yakaya eku ne eku.+
18 Muadi wa dikubakuba diebe+ uvua bu wa nkata ya ditempu;Mipenyi yakatokesha buloba budi bantu basombele;*+Buloba buakazakala ne buakakanka.+
19 Njila webe uvua mupitshile mu mbuu,+Musesu webe uvua mupitshile mu mâyi a bungi;Kadi kabavua mua kumona makasa ebe panshi to.
20 Wewe wakalombola bantu bebe anu bu tshisumbu tshia mikoko,+Ku tshianza tshia* Mose ne Alona.+
Mamanyisha
^ Ku mua.: “kabiyi bikuata tukulakaja.”
^ Anyi “Anyima wanyi kena.”
^ Ku mua.: “nyuma wanyi udi utshioka.”
^ Anyi “mujiki wanyi wa tshiombelu tshia nshinga.”
^ Ku mua.: “Nyuma wanyi udi ukebulula.”
^ Ku mua.: “mmukudimune tshianza tshiende tshia balume.”
^ Anyi “tshintubula.”
^ Ku mua.: “diboko diebe.”
^ Ku mua.: “mukuule.”
^ Anyi “buloba budi bupatula bintu.”
^ Anyi “Ku bulami bua.”
