Misambu 22:1-31
Kudi muludiki; bilondeshile “Dishina dia ngulungu dia patshiatshia.”* Mujiki wa Davidi.
22 Nzambi wanyi, Nzambi wanyi, udi mundekele bua tshinyi?+
Bua tshinyi udi kule ne kumpandisha,Kule ne miadi yanyi ya kanyinganyinga?+
2 Nzambi wanyi, ndi ntungunuka ne kubikila mu munya, wewe kuena wandamuna;+Ne butuku tshiena nshala mupuwe to.
3 Kadi wewe udi wa tshijila,+Munyunguluka kudi* mêyi a butumbi a Isalele.
4 Wewe ke uvua batatuetu beyemene;+Bavua bakueyemene, wewe wakatungunuka ne kubasungila.+
5 Bakadila kuudi, bakapandishibua;Bakakueyemena, ne kabakedibua mâyi ku makasa.*+
6 Kadi meme ndi tshishi, tshiena muntu,Ndi mupepejibue kudi* bantu ne mupetudibue kudi bantu.+
7 Bonso badi bammona badi banseka;+Badi bambuidia, bakupa mitu yabu ne kapeja bamba ne:+
8 “Wakadifila kudi Yehowa. Yeye amusungile!
Amupandishe, bualu mmunangibue kudiye bikole!”+
9 Wewe ke Yeye uvua mumpatule mu difu dia mamuanyi,+Yeye uvua muenze bua meme kudiumvua mu bukubi ku mabele a mamuanyi.
10 Ndi mufidibue ku bulami buebe* katshia anu ku diledibua;Wewe udi Nzambi wanyi katshia anu mu difu dia mamuanyi.
11 Kuikadi kule nanyi, bualu lutatu ludi pabuipi+Ne tshiena ne muambuluishi mukuabu.+
12 Bana balume ba ngombe ba bungi mbannyunguluke;+Ngombe milume ya bukole ya mu Bashana mminjingile.+
13 Badi bambuluila mukana muabu bikole,+Bu ntambue udi ukungula udi usunsulula tshidiye mukuate.+
14 Ndi mupongolodibue bu mâyi;Mifuba yanyi yonso mmipawuke mu manungu.
Muoyo wanyi mmulue bu dipula* dia buitshi;+Udi wenguluka munda muanyi menemene.+
15 Bukole buanyi mbume bu tshiyoyi;+Ludimi luanyi ndulamate ku binyanganyanga bianyi;+Wewe udi umpuekesha too ne mu lupuishi lua lufu.+
16 Bualu mbua mminnyunguluke;+Idi intshintshimika bu tshisumbu tshia benji ba malu mabi,+Idi ku bianza bianyi ne ku makasa anyi bu ntambue.+
17 Ndi mua kubala mifuba yanyi yonso.+
Badi bantangila, bashala bandengamene.
18 Badi babanyangana bilamba bianyi,Ne badi belela bilamba bianyi nshobo.+
19 Kadi wewe, Yehowa wanyi, kushadi kule nansha.+
Wewe udi bukole buanyi; luaku lukasa bua ungambuluishe.+
20 Umpandishe* ku muele wa mvita,Upandishe muoyo wanyi wa mushinga* ku makama a* mbua;+
21 Umpandishe mukana mua ntambue+ ne ku nsengu ya ngombe ya tshisuku;Ungandamune, umpandishe.
22 Nemmanyishe bana betu dîna diebe;+Munkatshi mua tshisumbu tshia bantu, nenkutumbishe.+
23 Nuenu badi batshina Yehowa, mutumbishayi!
Nuenu bana bonso ba* Yakoba, mutumbishayi!+
Mutshinayi, nuenu bana bonso ba* Isalele.
24 Bualu yeye ki mmupetule anyi mukine makenga a muntu udi mukengeshibue;+Yeye ki mmumusokoke mpala wende to.+
Pavuaye mumudidile ulomba diambuluisha, yeye wakateleja.+
25 Nenkutumbishe mu tshisumbu tshinene tshia bantu;+Nenkumbaje mitshipu yanyi kumpala kua badi bamutshina.
26 Bena bupuekele nebadie, nebukute;+Badi bakeba Yehowa nebamutumbishe.+
Nuikale ne muoyo* bua kashidi.
27 Ntengu yonso ya buloba neyivuluke ne neyitangile kudi Yehowa.
Mêku onso a bisamba neiname kumpala kuebe.+
28 Bualu bumfumu mbua Yehowa;+Udi ukokesha pa bisamba.
29 Babanji* bonso ba pa buloba nebadie, nebiname panshi;Bonso badi bapueka mu lupuishi nebamutuile binu;Muntu nansha umue wa kudibu kena mua kulama mioyo* yabu to.
30 Tunkanunuina* tuabu netumuenzele mudimu;Nebambile bantu ba tshipungu tshitshidi tshilua bualu bua Yehowa.
31 Nebalue ne nebakule bua buakane buende.
Nebambile bantu badi kabayi banji kuledibua malu adiye muenze.
Mamanyisha
^ Pamuapa ntshiona anyi ngimbilu kampanda wa mijiki.
^ Anyi “Musombe mu nkuasa wa butumbi munkatshi mua (pa).”
^ Anyi “kabakafuishibua bundu.”
^ Anyi “tshipendu kudi.”
^ Ku mua.: “muela pambidi pebe.”
^ Anyi “dikatshi.”
^ Anyi “Upandishe anyima wanyi.”
^ Ku mua.: “Wanyi umuepele,” wakula bua anyima wende, anyi muoyo.
^ Ku mua.: “tshianza tshia.”
^ Ku mua.: “dimiinu.”
^ Ku mua.: “dimiinu.”
^ Ku mua.: “Dimuma dienu dia muoyo dikale ne muoyo.”
^ Ku mua.: “Badi ne mubidi wa manyi.”
^ Anyi “anyima.”
^ Ku mua.: “dimiinu.”
