Misambu 13:1-6
Kudi muludiki. Mujiki wa Davidi.
13 Yehowa wanyi, neumpue muoyo too ne dîba kayi? Mbua kashidi anyi?
Neunsokoke mpala webe too ne dîba kayi?+
2 Nentate* ne lungenyi too ne dîba kayi,Ne kanyinganyinga mu muoyo wanyi dituku dionso?
Muena lukuna wanyi neatungunuke ne kuntshimuna too ne dîba kayi?+
3 Ntangila, ungandamune, wewe Yehowa Nzambi wanyi.
Upeshe mêsu anyi butoke, bua tshiladi tulu mu lufu,
4 Bua muena lukuna wanyi kalu kuamba ne: “Ngamutshimunyi!”
Kulekedi baluishi banyi basanka bua kudishinda kuanyi.+
5 Kadi meme, ndi mueyemene dinanga diebe dia lulamatu;+Muoyo wanyi newusanke bua bienzedi biebe bia lupandu.+
6 Nengimbile Yehowa, bualu mmumfute malu mimpe menemene.*+
