Misambu 141:1-10
Mujiki wa Davidi.
141 Yehowa wanyi, ndi nkubila.+
Luaku lukasa bua kungambuluisha.+
Teleja pandi nkubikila.+
2 Disambila dianyi dikale bumusenga wa manananshi+ mulongolola kumpala kuebe,+Bianza bianyi bindi muele muulu bikale bu mulambu wa ntete wa dilolo.+
3 Yehowa wanyi, tekela mukana muanyi mulami,Teka nsentedi ku tshiibi tshia mishiku yanyi.+
4 Kulekedi muoyo wanyi ukokibua ku tshintu tshibi,+Bua kuenza bienzedi bibi pamue ne bantu babi;Meme tshidi biakudia biabu bishême nansha.
5 Muntu muakane yeye munkume, bualu ebu nebuikale tshienzedi tshia dinanga dia lulamatu;+Yeye muntandishe, bualu ebu nebuikale pa mutu wanyi bu manyi+Adi mutu wanyi kawuyi mua kubenga.+
Disambila dianyi neditungunuke too ne mu tshikondo tshidibu mu makenga.
6 Nansha mudibu bakupe balumbuluishi babu panshi kumbukila kuulu kua lubuebue,Bantu nebateye ntema ku mêyi anyi, bualu adi asankisha.
7 Anu bu padi muntu udima buloba ne ububundulula,Ke mudi mifuba yetu mitangalaja ku mushiku wa Lukita.*
8 Kadi mêsu anyi mmatangile kuudi, wewe Mukalenge Mutambe Bunene Yehowa.+
Ndi munyemene kuudi.
Kumbushi muoyo wanyi.*
9 Nkuba ku mbanga ya buteyi budibu bantekele,Ku mateyi a benji ba malu mabi.
10 Bantu babi nebakuluke bonso pamue mu makondo abu bobu bine.+
Pandi meme mpitapu kakuyi bualu.
Mamanyisha
^ Anyi “Kupongolodi anyima wanyi.”
