Misambu 42:1-11

  • Kutumbisha Nzambi bu Mupandishi Munene

    • Kumvua nyota ya Nzambi bu mudi ngulungu umvua nyota ya mâyi (1, 2)

    • “Bua tshinyi ndi mushikile?” (5, 11)

    • “Indila Nzambi” (5, 11)

Kudi muludiki. Masikile* a bana ba Kola.+ 42  Anu bu ngulungu udi ujinga tusulu tua mâyi ne muoyo mujima,Ke mundi panyi nkujinga ne muoyo mujima,* Nzambi wanyi.  2  Ndi ne nyota* ya Nzambi, ya Nzambi udi ne muoyo.+ Ndîba kayi dindi mua kulua kumueneka kumpala kua Nzambi?+  3  Binsonji bianyi ke tshianyitshiakudia munya ne butuku;Bantu badi banyobola dituku dijima bamba ne: “Nzambi webe udi penyi?”+  4  Ndi mvuluka malu aa, ne ndi mpumuna anyima* wanyi,Bualu ngakenda kale pamue ne musumba wa bantu;Mvua ne tshibidilu tshia kuenda mazengu* kumpala kuabu mutangile ku nzubu wa Nzambi,Ne mêyi a disanka ne a diela nawu tuasakidila,A musumba wa bantu bikale basekelela tshibilu.+  5  Bua tshinyi ndi* mushikile?+ Bua tshinyi dilubakana dia nunku didi munda muanyi? Indila Nzambi,+Bualu nengikale anu mua kumutumbisha kabidi bu Mupandishi wanyi Munene.+  6  Nzambi wanyi, ndi* mushikile.+ Ke bualu kayi ndi nkuvuluka,+Kumbukila ku buloba bua Yadene ne ku nsongo ya mukuna wa Hêmona,Kumbukila ku mukuna wa Misâ.*  7  Mâyi male adi ela mâyi male lubilaKu tshiona tshia bibila biebe bia mâyi. Mavuala ebe makole onso mmampite bukole.+  8  Mu munya, Yehowa neandeje dinanga diende dia lulamatu,Ne butuku, musambu wende newikale nanyi, disambila kudi Nzambi wa muoyo wanyi.+  9  Nengambile Nzambi, mukuna wanyi wa dibue, ne: “Udi mumpue muoyo bua tshinyi?+ Bua tshinyi ndi mua kutambakana ne dibungama bua dikengeshibua kudi muena lukuna wanyi?”+ 10  Bena lukuna banyi badi banyobola* ne lukuna lua dishipangana nalu;*Badi banyobola dituku dijima bamba ne: “Nzambi webe udi penyi?”+ 11  Bua tshinyi ndi* mushikile? Bua tshinyi dilubakana dia nunku didi munda muanyi? Indila Nzambi,+Bualu nengikale anu mua kumutumbisha kabidi bu Mupandishi wanyi Munene ne Nzambi wanyi.+

Mamanyisha

^ Tang. Diumv.
^ Anyi “mudi anyima wanyi ukujinga ne muoyo mujima.”
^ Anyi “Anyima wanyi udi ne nyota.”
^ Tang. Diumv.
^ Anyi “bitulu bitulu.”
^ Anyi “anyima wanyi udi.”
^ Anyi “anyima wanyi udi.”
^ Anyi “mukuna mukese.”
^ Anyi “bankeba bilumbu.”
^ Anyi pamuapa: “bu badi bazaza mifuba yanyi.”
^ Anyi “anyima wanyi udi.”

Bua mukanda eu bukenji buonso mbua bafundi