Misambu 142:1-7

  • Disambila bua kusungidibua kudi bakengeshanganyi

    • “Kakuena muaba undi mua kunyemena” (4)

    • ‘Udi tshionso tshindi natshi’ (5)

Masikile.* Wa Davidi pavuaye mu nyongolo.+ Disambila. 142  Ndi mbikila Yehowa ne dîyi dianyi bua angambuluishe;+Ndi nsengelela Yehowa ne dîyi dianyi bua anganyishe.  2  Ndi mpumuna malu adi mantonde kumpala kuende;Ndi ngakula bua dikenga dianyi kumpala kuende+  3  Padi nyuma* udi munda muanyi upangila. Nunku wewe udi utangila njila wanyi.+ Mu njila undi ngendela,Badi bansokokelamu mateyi.  4  Tangila ku tshianza tshianyi tshia balume, umoneNe: kakuena muntu udi untabalela.*+ Kakuena muaba undi mua kunyemena;+Kakuena muntu udi uditatshisha bua bualu buanyi.*  5  Ndi nkubikila, wewe Yehowa, bua ungambuluishe. Ndi ngamba ne: “Wewe udi tshinyemenu tshianyi,+Tshionso tshindi natshi* mu buloba bua badi ne muoyo.”  6  Teya ntema ku muadi wanyi wa dilomba diambuluisha,Bualu ndi mupuekeshibue bikole menemene. Nsungila kudi badi bankengesha,+Bualu badi ne bukole bumpite.  7  Mpatula* mu buloko bua muinshi mua bulobaBua ntumbishe dîna diebe. Bantu bakane bannyungulukeBualu wewe udi ungenzela malu ne bulenga.

Mamanyisha

^ Tang. Diumv.
^ Anyi, “bukole.”
^ Ku mua.: “mummanye.”
^ Anyi “anyima wanyi.”
^ Anyi, “Tshianyi tshitupa.”
^ Anyi “Patula anyima wanyi.”

Bua mukanda eu bukenji buonso mbua bafundi