Kabakuke 2:1-20
2 Telama itelama vana yingidilu diame,+Itelama vana kundubulu.
Ikwamanana yingila kimana yamona dina kazolele vova omu monoYe dina ivutula vava itumbwa.
2 I bosi, o Yave umvutwidi vo:
“Soneka e mona-meso, toma kio soneka muna babu kia matadi,+Kimana ndiona otanga kio muna nding’angolo, katanga kio mu mpila yakia.+
3 Kadi vena ye ntangwa yasikidiswa ilungana e mona-meso,Nzaki ikwendanga kuna mfoko,* ke ifunga ko.*
Kana nkutu izingidi, vingila yo!*+
Kadi lungana kaka ilungana.
Ke isala manima ko!
4 Tala nkwa lulendo;*O ntim’andi ke wasingama ko.
Vo i nsongi, muna lukwikilu lwandi i kekadila o moyo.+
5 Kieleka, wau vo vinyu nyekodi,O nkwa lulendo ke lungisa e kani diandi ko.
Owokese te diandi* nze Ziami;*Una nze lufwa, ke yukutanga ko.
Okwamanene kutika e zula yawonsoYo kuyikutikila nkangu miawonso.+
6 Nga yau awonso ke bekuntela kingana ye savu ko e? Ke bekumvovesa mvovo miampimpita ko e?+
Bevova vo:
‘Tâtu kwa ndiona owokesanga lekwa ina vo ke yandi ko—Yamu nkia kolo?—
Ye ndiona owokesanga mfuka zandi!
7 Awana badevesa, nga ke betelama kuna kinsalukisa ko e?
Besikama yo kunikuna kuna makasi mawonso,Ongeye okala se sanzu diau.+
8 Wau vo wasanza e zula yayingi,Nkangu miawonso miasala, bekusanza,+Kadi wabungula menga ma wantuWakota nza o nsoki,Mbanza ye awana bezingilanga mo.+
9 Tâtu kwa ndiona obakilanga nzo andi nluta mialembi songa,Kimana kasia nzialw’andi kuna ntandu,Kavuluka vana moko ma nsoki!
10 Okanini vanga diambu diansoni muna nzo aku.
Wau ofukisi nkangu miayingi, moyo aku osumukini.+
11 Kadi, e tadi dikaza muna yaka,O mwangu umosi muna nludi uvanina dio e mvutu.
12 Tâtu kwa ndiona otungila e mbanza muna mbungul’a menga,Yo sikidisila e mbanza muna vilwa!
13 Nga ke Yave a vu ko wasikidisa vo nkangu bafuntuka muna dikila o tiya,Ye zula yayoya nkatu-nkatu?+
14 Kadi e nza izala yo zayi wa nkembo a YaveWauna o maza mefukilanga kalunga.+
15 Tâtu kwa ndiona ovene akwandi má kia nua,Osangidi mo nganzi yo makasi kimana bakolwa,Kamona e nkong’au!
16 Oyukuta luvezo ke mu nkembo ko.
Nua kwaku, wasenzeka e kutu kiaku.
E mbungwa vana koko kwalunene kwa Yave ikulwakila,+O nkembo aku ufukilwa e nsoni;
17 Kadi o nsoki una wakota Lebanone ukufukila,O lufwasu lwavumisa e bulu lukulwakila,Kadi wabungula menga ma wantuWakota nza e nsoki,Mbanza ye awana bezingilanga mo.+
18 E teke kiavalwa, nkia mfunu kina,Wau vo nkwa umbangu wavala kio e?
E teke kia sengwa* ye nlongi aluvunu, nga mfunu kenaKana nkutu vo ndiona wavanga kio obundanga kio e vuvu,Yo vanga nzambi zakondwa mfunu ke zivovanga ko e?+
19 Tâtu kwa ndiona ovovese nti vo: “Sikama!”
Yovo kwa tadi dia baba vo: “Sikama! Utulonga!”
Tala! Balengele kio wolo ye palata,+Muna ke mwina fulumwini ko.+
20 Yave una muna tempelo andi yavauka.+
E nza yawonso ikal’e pi-i vana ndose andi!’”+
Mvovo vana yand'a lukaya
^ Yovo “ilungana.”
^ Mvovo wa sina: “ke ivuna ko.”
^ Yovo “vingila yo ye tima diawonso.”
^ Yovo “Tala! O moyo andi uvimbidi.”
^ Yovo “Olambwidi moyo andi.”
^ Yovo “Seol,” i sia vo, ziami kia wantu awonso. Tala Nsas’a Mvovo.
^ Yovo “teke kiazunzwa.”
