ကဲရံၤ လၢအအိၣ်လၢ ဘြံးတၢၣ်န့ၣ် တဲဝဲလၢ “ပှၤသံဆှုၣ်မဲာ်ကဲၤမဲာ် ဒီးပှၤဘၣ်ဒိဘၣ်ထံးနးမး ကဲထီၣ်အသး တလီၢ်လီၢ်. တၢ်ကဲထီၣ်သးဒ်အံၤ ကဘၣ်က့ၤယၤ အခါဖဲလဲၣ်န့ၣ် ယတသ့ၣ်ညါ လီၤတံၢ်ဘၣ်.”

ဝ့လမၤ လၢအအိၣ်လၢ ခိၤလါဘံၤယၤန့ၣ် တဲဝဲလၢ “ဖဲပှၤခးကျိအခါ ကျိချံဟဲဘၣ် ယချၢ ဒီးယမဲာ်သၣ်. ယထံၣ်ဘၣ်ပှၤသံ လၢအပၣ်ဃုာ်ဒီး ဖိသၣ်ဒီးပှၤသးပှၢ် ဒီဒူၣ်. ယထံၣ်ဘၣ် ဒ်အံၤသနာ်က့ လီၤဂာ်လၢ ယသးကိၤထီၣ် ဒီးယတတူၢ်ဘၣ်တၢ် နီတမံၤဘၣ်.”

စၤဖံရၤ လၢအအိၣ်လၢ ကီၢ်အမဲရကၤန့ၣ် တဲဝဲလၢ “နမ့ၢ်ထံၣ်ဘၣ် ပှၤခးသံ ပှၤတဂၤဂၤ လၢနမဲာ်ညါန့ၣ် အအိၣ်တ့ၢ်လၢ နမဲာ်ချံပူၤ. ပှၤလၢ ပှၤခးအီၤတဂၤ ဘၣ်တူၢ်တၢ်နး ထဲလဲၣ်န့ၣ် နထံၣ်တမှံက့ၤ ခဲအံၤခဲအံၤ. တၢ်ကဲထီၣ်သး တခါအံၤ နသးပ့ၤနီၣ်တန့ၢ် နီတဘျီဘၣ်.”

အိၤလဲၣ်စဲဒရၣ် လၢအအိၣ်လၢ ကီၢ်ယူၣ်ခြ့န့ၣ် တဲဝဲလၢ “ယတူၢ်ဘၣ်လၢ ယတသးခုဘၣ်လၢၤ နီတဘျီလၢၤဘၣ်. ယပျံၤလၢ ယကသံ ဘၣ်ဆၣ် ယဘၣ်ယိၣ်ဒိၣ်လၢ ယဟံၣ်ဖိဃီဖိ ဒီးယသကိးကသံဟီ.”

ဒါလၢၤ လၢအအိၣ်လၢ ကီၢ်ထးကၠံကံစတါန့ၣ် တဲဝဲလၢ “ဒ်သိး ပကန့ၢ်ဘၣ် တၢ်အီၣ်အဂီၢ် ပဘၣ် ဆၢထၢၣ်ရဲၣ်လီၤသး စးထီၣ်လၢ ဂီၤခီ ၂ နၣ်ရံၣ် တုၤလၢ ဟါခီ ၁၁ နၣ်ရံၣ်ညါ. ခီဖျိလၢ တၢ်ဒုးကဲထီၣ်သး ဘူးဒီးပှၤအဃိ ပပျံၤတၢ်ဒိၣ်မး ဒီးကျိချံကဟဲဘၣ်ပှၤ အခါဖဲလဲၣ်န့ၣ် ပတသ့ၣ်ညါဘၣ်.”

မရံ လၢအအိၣ်လၢ ကီၢ်ရဝၣ်ဒၣ်န့ၣ် တဲဝဲလၢ “ခီဖျိလၢ တၢ်ဒုးကဲထီၣ်အဃိ ယမိယပါ သံသဒၣ်ယၤ. ယကဲထီၣ်ဖိၣ်ဃဲ ဒီးပှၤလၢ ကမၤမုာ်ထီၣ်ယသး ဒီးကွၢ်ထွဲယၤန့ၣ် တအိၣ်နီတဂၤဘၣ်.”