Maeka 4:1-13
4 Evaọ abọ urere edẹ na,*A ti ru ugbehru uwou Jihova+Dikihẹ gaga evaọ obọ ehru igbehru na,A te kpare iẹe kpehru vi ikpehru na,Yọ ahwo a ti zurie kpohọ iẹe.+
2 Erẹwho buobu e te nya, a vẹ ta nọ:
“Wha nyaze re ma kpobọ ugbehru JihovaJe kpobọ uwou Ọghẹnẹ Jekọp.+
O ti wuhrẹ omai kpahe idhere riẹ,Yọ ma te nya evaọ idhere riẹ.”
Keme uzi* u ti no Zayọn ze,Ẹme Jihova o ve ti no Jerusalẹm ze.
3 O ti bruoziẹ ahwo buobu+Jẹ kpọ eware vi rọkẹ erẹwho ilogbo nọ e rrọ thethabọ.
A ti duwu egbọdọ rai zihe ruọ etẹkpẹA ve ti duwu izuẹ rai zihe ruọ ibrẹbe.+
Orẹwho o gbẹ te kpare ọgbọdọ rọsuọ orẹwho ho,Yọ a ti gbe wuhrẹ ẹmo-ofio ofa ha.+
4 Omomọvo rai ọ te keria* ọvuọ otọ ure evaene gbe otọ ure ifigi riẹ,+Ohwo ọvo o ti ru ozọ mu ai hi,+Keme Jihova olori egbaẹmo ọ rehọ unu riẹ tae no.
5 Ahwo na kpobi a te rehọ ọvuọ odẹ ọghẹnẹ riẹ nya,Rekọ ma te rehọ odẹ Jihova Ọghẹnẹ mai nya+ bẹdẹ bẹdẹ.
6 “Evaọ ẹdẹ yena,” ere Jihova ọ ta,“Me ti koko ọnọ* ọ jẹ nya segbe segbe na họ,Je koko ọnọ a vaha fihọ eria sa-sa na họ,+Jegbe enọ me gboja kẹ.
7 Me ti ru ọnọ* ọ jẹ nya segbe segbe na fihọ okiọkotọ,+Je ru ọnọ a rehọ vrẹ thethabọ na fihọ orẹwho ulogbo;+Jihova ọ vẹ te jọ ovie nọ o ti su ai evaọ Ugbehru Zayọn,No enẹna vrẹ rite ebẹdẹ bẹdẹ.
8 Rọkẹ owhẹ, O uwou ukpehru uthuru erao,Oria ukpehru ọmọtẹ Zayọn,+Whẹ o ti bru ze, ẹhẹ, whẹ esuo ọsosuọ na o ti bru ze,+Uvie nọ o rrọ kẹ ọmọtẹ Jerusalẹm.+
9 Kọ fikieme who bi ro bo gaga?
Kọ who wo ovie he,Manikọ ọkiroro ra o whu no,Nọ edada e rọ vọ owhẹ oma wọhọ aye nọ o bi yẹ?+
10 O ọmọtẹ Zayọn, thuẹ avọ imẹ-idio,Wọhọ aye nọ o bi yẹ,Keme who ti no okpẹwho na, whọ vẹ te rria obọ ẹwọ.
Who ti te ugbo obọ Babilọn,+Yọ obei a te jọ siwi owhẹ;+Obei Jihova ọ te jọ dẹ owhẹ zihe ze evaọ obọ ewegrẹ ra.+
11 Whaọ erẹwho buobu i ti kokohọ rọsuọ owhẹ;A te ta nọ, ‘Jọ a zue ei oma,Jọ ibiaro mai e ruẹ onana nọ o te via kẹ Zayọn.’
12 Rekọ a riẹ oware nọ Jihova o wo họ iroro ho,A wo otoriẹ ẹjiroro riẹ hẹ;Keme o ti koko ai họ wọhọ ekru eka nọ a kọrọ obọ kpohọ oria nọ a rẹ jọ si ibi no igbe ekakọ.
13 O ọmọtẹ Zayọn, kpama re who mu eka họ ẹkpare;+Keme me ti nwene izei ra zihe ruọ ayọno,Me ti nwene ekothawọ ra zihe ruọ ekọpa,Whọ te pẹhẹ ahwo buobu.+
Whọ te rehọ erere rai nọ a rọ ewhariọ wo na kẹ Jihova,Jẹ rehọ ekwakwa rai kẹ Olori uzẹme otọakpọ na soso.”+
Eme-Obotọ
^ Hayo “Evaọ edẹ urere na.”
^ Hayo “uthubro.”
^ Hayo “rria.”
^ Evaọ Hibru, “aye nọ.”
^ Evaọ Hibru, “aye nọ.”
