Usi Uwoma Luk 3:1-38

  • Emuhọ iruo Jọn (1, 2)

  • Jọn o je whowho inọ jọ ahwo a họ-ame (3-20)

  • Ame-ọhọ Jesu (21, 22)

  • Uyẹ Jesu Kristi (23-38)

3  Evaọ ukpe avọ ikpegbisoi esuo Taibiriọs Siza, okenọ Pọntiọs Pailet ọ jọ ọba Judia, Herọd*+ ọ jọ osu ubrotọ* Galili, Filip oniọvo riẹ ọ jọ osu ubrotọ Ituria gbe Trakonaitis, yọ Laesenias ọ jọ osu ubrotọ Abilini,  evaọ edẹ Anas olori izerẹ na gbe erọ Kayafas,+ ẹme Ọghẹnẹ o te bru Jọn+ ọmọzae Zẹkaraya ze evaọ obọ udhude.+  Fikiere ọ tẹ nya iwhre kpobi nọ e wariẹ Jọdan họ, bi whowho kpahe ame-ọhọ nọ o rrọ oka ekurẹriẹ rọkẹ erọvrẹ izieraha,+  nwane wọhọ epanọ a kere evaọ obe Aizaya ọruẹaro na inọ: “Uvou ohwo jọ o be jọ obọ udhude na woro nọ: ‘Wha ruẹrẹ edhere Jihova* kpahe! Wha ru idhere riẹ liọ.+  A rẹ lẹ ukiekpotọ kpobi di hrọ, je kporo ugbehru gbe ukpehru kpobi fihọ otọ praprarapra; a re ru idhere egẹgẹle na liọ hrọ, je ru idhere nọ e rrọ kothi kothi fihọ riẹriẹriẹ;  uwo kpobi o* te ruẹ esiwo Ọghẹnẹ.’”*+  Fikiere, o te mu ogbotu ahwo nọ a be nyabru ei ze te họ-ame na họ ẹta kẹ nọ: “Whai emọ eriwhẹ, ono ọ vẹvẹ owhai unu nọ wha dhẹ no ofu nọ ọ be tha na?+  Fikiere, wha mọ ibi nọ i re dhesẹ ekurẹriẹ. Wha du jọ udu rai ta ha inọ, ‘Abraham họ ọsẹ mai.’ Keme mẹ be ta kẹ owhai nọ Ọghẹnẹ ọ rẹ sai zihe itho nana ruọ emọ kẹ Abraham.  Evaọ uzẹme, ewhe na ọ rrọ otọ ire na no. Fikiere, ure kpobi nọ o be mọ emamọ ubi hi, a ti koi fihọ otọ a ve gbolo iei fihọ erae.”+ 10  Ogbotu na ọ tẹ jẹ nọe nọ: “Kọ eme u fo nọ ma re ru?” 11  Ọ tẹ kpahe kẹ ae nọ: “Jọ ohwo nọ o wo iwu ivẹ* ọ rehọ ọjọ kẹ ohwo nọ o wo ho, jọ ọnọ o wo emuore o ru epọvo na re.”+ 12  Makọ enọ i re mi osa-uzou dede e nyaze re a họ-ame,+ yọ a jẹ nọe nọ: “Owuhrẹ, kọ eme u fo nọ ma re ru?” 13  Ọ tẹ ta kẹ ae nọ: “Wha re mi vrẹ unuigho osa-uzou nọ a fihọ họ.”+ 14  Epọvo na re, elakpa-ẹmo e jẹ nọe nọ: “Kọ eme u fo nọ ma re ru?” Ọ tẹ ta kẹ ae nọ: “Wha mu kpokpo* ohwo ọvo ho hayo bọwo ohwo ọvo ota ha,+ rekọ jọ osa rai o da owhai ẹro.” 15  Whaọ ahwo na a je rẹro, yọ aikpobi a jẹ jọ udu rai roro kpahe Jọn inọ, “Kọ o sae jọ nọ ọye họ Kristi na?”+ 16  Jọn ọ tẹ kẹ uyo na, be ta kẹ ae kpobi nọ: “Mẹ be rọ ame họ owhai ame, rekọ ọnọ ọ ga vi omẹ ọ be nyaze, me te epanọ mẹ sae rọ rra ifi eviẹ riẹ hẹ.+ Ọ te rehọ ẹzi ọfuafo gbe erae rọ họ owhai ame.+ 17  O kru eshọvẹle riẹ nọ ọ rẹ rọ frẹ erara no ibi ekakọ họ obọ, re o ru oria riẹ nọ ọ rẹ jọ si ibi no igbe ekakọ na fihọ fuafo tẹtẹtẹ, re o je koko iwhiti na họ uwou nọ ọ rẹ jọ sẹro* eware, rekọ ọ te rehọ erae nọ a rẹ sai furie he rọ mahe ehọrọ na no.” 18  Jọn ọ kẹ ehrẹ efa buobu jẹ ruabọhọ whowho usi uwoma kẹ ahwo na. 19  Rekọ fikinọ Jọn ọ jẹ whọku Herọd osu ubrotọ na fiki Herodias, aye oniọvo riẹ, gbe fiki iruẹru imuomu kpobi nọ Herọd o ru, 20  Herọd o te je ru onana ba eware yena kpobi: Ọ kare Jọn fihọ uwou-odi.+ 21  Whaọ, nọ ahwo na kpobi a jẹ họ-ame, Jesu ọ họ-ame re.+ Nọ Jesu ọ jẹ lẹ, odhiwu na o te rovie,+ 22  ẹzi ọfuafo na nọ ọ wọhọ epaọ erueruẹ o te no ehru ze kiemu ei, urru jọ u te do no obọ odhiwu ze inọ: “Whẹ yọ Ọmọzae mẹ, oyoyou mẹ na, mẹ jẹ owhẹ rehọ.”+ 23  Nọ Jesu+ o mu iruo riẹ họ, ọ jọ oware wọhọ ikpe ọgba,+ yọ a rehọ e riẹ wọhọọmọzae Josẹf,+ọmọzae Hilai, 24  ọmọzae Matat,ọmọzae Livae,ọmọzae Mẹlkae,ọmọzae Janai,ọmọzae Josẹf, 25  ọmọzae Matatayas,ọmọzae Emọs,ọmọzae Nahum,ọmọzae Ẹslae,ọmọzae Nagai, 26  ọmọzae Mayat,ọmọzae Matatayas,ọmọzae Semein,ọmọzae Josẹk,ọmọzae Joda, 27  ọmọzae Joanan,ọmọzae Risa,ọmọzae Zerubabẹl,+ọmọzae Shealtiẹl,+ọmọzae Nirae, 28  ọmọzae Mẹlkae,ọmọzae Addae,ọmọzae Kosam,ọmọzae Ẹlmedam,ọmọzae Ẹr, 29  ọmọzae Jesu,ọmọzae Ẹli-iza,ọmọzae Jorim,ọmọzae Matat,ọmọzae Livae, 30  ọmọzae Simiọn,ọmọzae Judas,ọmọzae Josẹf,ọmọzae Jonam,ọmọzae Elayakim, 31  ọmọzae Milia,ọmọzae Mena,ọmọzae Matata,ọmọzae Netan,+ọmọzae Devidi,+ 32  ọmọzae Jẹsi,+ọmọzae Obẹd,+ọmọzae Boaz,+ọmọzae Salmọn,+ọmọzae Nashọn,+ 33  ọmọzae Aminadab,ọmọzae Anae,ọmọzae Hẹzrọn,ọmọzae Pirẹz,+ọmọzae Juda,+ 34  ọmọzae Jekọp,+ọmọzae Aiziki,+ọmọzae Abraham,+ọmọzae Tera,+ọmọzae Nahọ,+ 35  ọmọzae Sirọg,+ọmọzae Riu,+ọmọzae Pilẹg,+ọmọzae Iba,+ọmọzae Shila,+ 36  ọmọzae Keanan,ọmọzae Apakshad,+ọmọzae Shẹm,+ọmọzae Noa,+ọmọzae Lemẹk,+ 37  ọmọzae Mẹtusẹla,+ọmọzae Enọk,ọmọzae Jerẹd,+ọmọzae Mahalalẹl,+ọmọzae Keanan,+ 38  ọmọzae Enọsh,+ọmọzae Sẹt,+ọmọzae Adam,+ọmọ* Ọghẹnẹ.

Eme-Obotọ

Koyehọ, Herọd Antipas. Rri oria Otofa Eme.
Evaọ Griki, “osu abọvo abane ẹkwotọ.”
Hayo “ahwo-akpọ kpobi a.”
Hayo “ọnọ Ọghẹnẹ o ti ro siwi ahwo.”
Hayo “ewu ọfa.”
Hayo “gboro oware mi.”
Hayo “rawo.”
Hayo “ọmọzae.”