Hosia 6:1-11
6 “Wha nyaze, re ma zihe bru Jihova,Keme ọ za omai ekekẹ no,+ rekọ o ti siwi omai.
Ọ nwa omai oma, rekọ ọ te gba emela mai.
2 O ti ru omai dhidhi aro vi nọ edẹ ivẹ e tẹ vrẹ no.
Evaọ ẹdẹ avọ esa ọ te kpare omai,Ma vẹ te jọ uzuazọ evaọ aro riẹ.
3 Ma te riẹ, ma te rọ ọwhọ gwọlọ Jihova re ma riẹe.
Ẹnyavia riẹ o muẹro wọhọ epaọ oke nọ o rẹ ke;Ọ te nyabru omai ze wọhọ oso nọ ọ be rrọ,Wọhọ iso obọ ekuhọ okiewhru nọ e rẹ daruọ otọ na.”
4 “Eme me re gbe ru kẹ owhẹ, Ifremu?
Eme me re gbe ru kẹ owhẹ, Juda?
Keme uyoyou ra* o wọhọ ẹgho ohiohiẹ,Wọhọ igrigri nọ i re kri ẹhiẹ hẹ.
5 Oyejabọ nọ mẹ te rọ rehọ eruẹaro na kpe ai;+Mẹ te rọ ẹme unu mẹ kpe ai.+
Yọ oziẹ nọ me ti brukpe owhai o te jọ vevẹ wọhọ elo.+
6 Keme uyoyou nọ o rẹ hiẹ hẹ* oye o rẹ were omẹ, orọnikọ idheidhe he,Gbe eriariẹ Ọghẹnẹ, viukpọ idhe emahọ.+
7 Rekọ wọhọ ohwo-akpọ gheghe, a raha ọvọ na.+
A rọ eviẹhọ yerikugbe omẹ evaọ etẹe.
8 Giliad yọ ẹwho irumuomu,+Ithihi azẹ e vọ riẹ.+
9 Izerẹ na a wọhọ itu igbulegbu nọ i dhere be hẹrẹ ohwo.
A rẹ jọ edhere kpe ahwo evaọ Shẹkẹm,+Keme uruemu nọ o rẹ vuoma a wo.
10 Mẹ ruẹ oware otọtọ evaọ uwou Izrẹl.
Ifremu o bi bru igberẹ+ evaọ etẹe;Izrẹl o gbe omariẹ ku no.+
11 Ofariẹ, O Juda, a fi oke nọ a ti ro vu owhẹ họ no,Okenọ me ti ro koko ahwo mẹ nọ a mu kpohọ igbo họ zihe ze.”+
