Hosia 2:1-23
2 “Ta kẹ inievo-emezae ra nọ, ‘Ahwo mẹ!’*+
Gbe inievo-emetẹ ra nọ, ‘O aye nọ a re ohrọ!’*+
2 Ta eyoma oni ra kẹe; ta eyoma riẹ kẹe,Keme aye mẹ ọ rrọ họ,+ yọ mẹ ọzae riẹ hẹ.
Jọ ọ siọ igberẹ-ibro* riẹ baJe si ẹnwae-obro riẹ no udevie ivie riẹ,
3 O gbẹ rrọ ere he, mẹ te bae fihọ je ru ei fihọ epanọ ọ jọ evaọ ẹdẹ nọ a ro yẹi,Me ti ru ei jọ wọhọ udhude,Me ti ru ei fihọ otọ oyaya,Mẹ vẹ rọ uruame kpei whu.
4 Mẹ te re ohrọ emọ* riẹ hẹ,Keme yọ emọ nọ a rọ igberẹ-ibro* yẹ.
5 Keme oni rai o bru igberẹ.*+
Ọnọ o dieva rai họ o ru oware omovuọ,+ keme ọ ta nọ,‘Mẹ te dhẹ lele ese mẹ,+Enọ e be kẹ omẹ ebrẹdi mẹ gbe ame mẹ,Ehọ iwhulu mẹ gbe ehọ-elọlọhọ mẹ, ewhri mẹ gbe udi mẹ.’
6 Fikiere mẹ te rehọ idhigbo di edhere ra;Yọ mẹ te ma ugbẹhẹ itho ro bru ei dhe,Re ọ gbẹ sae ruẹ idhere riẹ hẹ.
7 O ti le ese riẹ, rekọ o ti le ai mu hu;+Ọ te gwọlọ ae rekọ ọ te ruẹ e rai hi.
Kẹsena ọ vẹ te ta nọ, ‘Me re zihe bru ọzae ọsosuọ mẹ,+Keme akpọ mẹ o woma oke oyena vi epanọ o rrọ enẹna.’+
8 O vuhumu hu inọ mẹ họ ọnọ ọ kẹ riẹ iwhiti,+ enwaene ọkpokpọ, gbe ewhri na,Gbe nọ mẹ họ ọnọ ọ kẹ riẹ isiliva buobuGbe igoru, nọ a ro ru egagọ Bale.+
9 ‘Fikiere, me ti zihe re me mi ei iwhiti mẹ nọ oke u te teGbe enwaene ọkpokpọ mẹ evaọ ezi riẹ,+Yọ mẹ te tabọ mi ei ohọ iwhulu mẹ gbe ohọ-olọlọhọ mẹ nọ mẹ kẹ riẹ inọ o ro ruru ẹba riẹ.
10 Obọnana mẹ te bae fihọ gbala gbala evaọ iraro ese riẹ,Yọ ohwo ọvo ọ te sai siwi ei no obọ mẹ hẹ.+
11 Mẹ te rehọ eware kpobi nọ e be wha oghọghọ sei te oba,Ehaa riẹ sa-sa,+ ehaa ọvẹre ọkpokpọ riẹ, edijala riẹ, gbe ehaa ezi sa-sa riẹ.
12 Yọ mẹ te raha ire evaene gbe ire ifigi riẹ, enọ ọ ta kpahe nọ:
“Enana họ osa nọ ese mẹ a hwa omẹ”;Me ti zihe ai ruọ owhawho,Yọ erao ijihẹ obọ ẹwọ e te re ae no.
13 Mẹ te rehọ iẹe guẹdhọ fiki edẹ nọ o ro dhe idhe kẹ emema Bale,+Nọ ọ jẹ hae rehọ emero gbe eware osẹ riẹ whẹ erru họ oma o ve mu ese riẹ họ ẹdhẹ lele,Mẹ họ ọnọ ọ thọrọ e riẹ ẹro,’+ ere Jihova ọ ta.
14 ‘Fikiere mẹ te tẹzẹ iẹe,Me ti su ei kpobọ udhude,Mẹ te ta ẹme ruọ ẹe oma.
15 Me ti zihe egbọ evaene riẹ kẹe no umuo oke yena vrẹ,+Gbe Ukiekpotọ* Ekọ+ wọhọ unuẹthẹ ẹruore;Ọ te jọ etẹe yo kẹ omẹ wọhọ epaọ oke uzoge riẹ,Wọhọ epaọ ẹdẹ nọ o ro no ẹkwotọ Ijipti ze.’+
16 Enẹ Jihova ọ ta, ‘Evaọ ẹdẹ yena,Who ti se omẹ Ọzae mẹ, who gbe ti se omẹ Olori mẹ* hẹ.’
17 ‘Me ti si edẹ emema Bale na no unu riẹ,+A gbẹ te kareghẹhọ edẹ rai hi.+
18 Evaọ ẹdẹ yena mẹ te rehọ fiki rai re ọvọ kugbe erao ijihẹ obọ ẹwọ,+Je kugbe evra obọ ehru* gbe eware kpobi nọ i bi si* evaọ otọ;+Me ti si uze gbe ọgbọdọ gbe ẹmo no ẹkwotọ na,+Me ve ti ru ai kiẹzẹ* evaọ omofọwẹ.+
19 Mẹ te sa owhẹ họ otọ re whọ jọ ọmẹ bẹdẹ bẹdẹ;Mẹ te sa owhẹ họ otọ evaọ ẹrẹreokie gbe uvioziẹ,Evaọ uyoyou nọ o rẹ hiẹ hẹ gbe evaọ ohrọ.+
20 Mẹ te sa owhẹ họ otọ, mẹ te nyasiọ owhẹ ba ha,Whọ vẹ te ginẹ riẹ Jihova.’+
21 ‘Evaọ ẹdẹ yena me ti yo,’ ere Jihova ọ ta,‘Me ti yo kẹ idhiwu na,I ve ti yo kẹ otọakpọ na;+
22 Otọakpọ na u ti yo kẹ iwhiti, enwaene ọkpokpọ, gbe ewhri na;Enana i ve ti yo kẹ Jezrẹl.*+
23 Mẹ te kọe kẹ omamẹ wọhọ ubi evaọ otọakpọ na,+Yọ me ti wo ohrọ-oriọ kẹ ọnọ a re ohrọ họ na;*Mẹ te ta kẹ enọ e rrọ ahwo mẹ hẹ nọ:* “Whai yọ ahwo mẹ,”+
A vẹ te ta nọ: “Whẹ họ Ọghẹnẹ mẹ.”’”+
