Hosia 12:1-14
12 “Ifremu ọ be rọ ofou kuọ oma.
O bi le ofou obọ ovatha-ọre okikpo.
Ẹsikpobi o bi gu ọrue je ru ozighi.
A be re ọvọ kugbe Asiria+ jẹ be rehọ ewhri kpobọ Ijipti.+
2 Jihova o wo ẹdhọ kugbe Juda;+O ti gu Jekọp ẹdhọ fiki eware nọ o ru,Ọ te hwosa kẹe wọhọ epaọ iruo riẹ.+
3 Ọ jọ edhede kru ethihrowọ oniọvo riẹ,+Yọ ọ rehọ ogaga riẹ lele Ọghẹnẹ muabọ.+
4 Ọ ruabọhọ lele ukọ-odhiwu muabọ jẹ kparobọ.
Ọ viẹ jẹ lẹe nọ ọ ghale iẹe.”+
Ọghẹnẹ ọ ruẹ e riẹ evaọ Bẹtẹl, yọ ọ jọ etẹe lele omai ta ẹme,+
5 Jihova Ọghẹnẹ olori egbaẹmo na,+Jihova họ odẹ riẹ nọ a rẹ kareghẹhọ.*+
6 “Fikiere zihe bru Ọghẹnẹ ra,+Ruabọhọ uyoyou nọ o rẹ hiẹ hẹ gbe uvioziẹ,+Je fi ẹruore họ Ọghẹnẹ ra ẹsikpobi.
7 Rekọ iskeli eviẹhọ e rrọ obọ ọthueki na;*O rẹ were iẹe re o fi iwhayo.+
8 Ifremu ọ be ta nọ, ‘Ẹhẹ, me fe no;+Me duku efe no.+
Yọ a te jọ iruo egaga mẹ kpobi ruẹ oruthọ hayo uzioraha ovo ho.’
9 Rekọ mẹ họ Jihova Ọghẹnẹ ra no obọ ẹkwotọ Ijipti ze.+
Mẹ te wariẹ ru owhẹ rria iwou-udhuWọhọ epaọ edẹ erọ oke nọ a fihọ.*
10 Mẹ ta ẹme kẹ eruẹaro na,+Me ru rai ruẹ eruẹaruẹ buobu,Yọ mẹ rọ ẹkwoma eruẹaro na rọ etadhesẹ ta ẹme.
11 Eviẹhọ*+ gbe erue e da Giliad oma fia.
A rọ iruẹ dhe idhe evaọ Gilgal,+Yọ egbada-idhe rai e wọhọ itho nọ a kwa kokohọ udevie ikuele ithethei nọ e rrọ udhu.+
12 Jekọp ọ dhẹ kpobọ ẹkwotọ* Eram;*+Izrẹl+ ọ jọ etẹe gbodibo fiki aye,+Yọ ọ rehọ fiki aye su igodẹ.+
13 Jihova ọ rọ ẹkwoma ọruẹaro rehọ Izrẹl no obọ Ijipti ze,+Yọ o su rie ẹkwoma ọruẹaro.+
14 Ifremu o ru eva dha omẹ gaga;+Abe-ọriọ riẹ ọ gbẹ rrọ uzou riẹ;Olori riẹ ọ te hwosa kẹe fiki ekela nọ ọ wha sei.”+
