Eviavia Rọkẹ Jọn 7:1-17

  • Ikọ-odhiwu ene a kru ifou ọraha daji (1-3)

  • A kpe oka họ ahwo idu udhuhrẹ-gbene (4-8)

  • Ogbotu obuobu nọ i ku iwu efuafo họ (9-17)

7  Nọ onana o vrẹ no, mẹ tẹ ruẹ ikọ-odhiwu ene nọ i dikihẹ ibienẹ ene akpọ na, nọ i kru ifou ene akpọ na daji kokoroko, re ofou ọvo o gbe fou ruọ otọakpọ na hayo abade hayo ure ọvo ho.  Mẹ tẹ ruẹ ukọ-odhiwu ọfa nọ o bi no obọ ovatha-ọre ze, yọ o kru oware nọ a re ro kpe oka họ eware orọ Ọghẹnẹ nọ ọ rrọ uzuazọ na; ọ tẹ rọ urru oruarua bo se ikọ-odhiwu ene nọ a kẹ udu re a raha eware otọakpọ na gbe abade na,  inọ: “Wha du raha eware otọakpọ na hayo abade na hayo ire na ha, bẹsenọ ma re kpe oka họ+ aruezo+ erigbo Ọghẹnẹ mai no.”  Me te yo unu ahwo nọ a kpe oka họ na, idu udhuhrẹ-gbene (144,000),+ nọ a kpe oka họ evaọ orua kpobi orọ emezae Izrẹl:+  Evaọ orua Juda idu ikpegbivẹ (12,000) a kpe oka họ;evaọ orua Rubẹn idu ikpegbivẹ (12,000);evaọ orua Gad idu ikpegbivẹ (12,000);  evaọ orua Asha idu ikpegbivẹ (12,000);evaọ orua Naftalae idu ikpegbivẹ (12,000);evaọ orua Manasẹ+ idu ikpegbivẹ (12,000);  evaọ orua Simiọn idu ikpegbivẹ (12,000);evaọ orua Livae idu ikpegbivẹ (12,000);evaọ orua Isaka idu ikpegbivẹ (12,000);  evaọ orua Zẹbulọn idu ikpegbivẹ (12,000);evaọ orua Josẹf idu ikpegbivẹ (12,000);evaọ orua Bẹnjamin idu ikpegbivẹ (12,000) a kpe oka họ.  Nọ onana o vrẹ no, mẹ tẹ ruẹ ogbotu obuobu, nọ ohwo ọvo ọ sai kele he, nọ i no erẹwho, erua, itu ahwo gbe erọunu*+ kpobi ze, nọ i dikihẹ aro agbara-uvie na gbe Omogodẹ na, a ku iwu ithethei efuafo họ;+ yọ eya iriẹ e rrọ abọ rai.+ 10  Yọ a be rọ urru oruarua ta nọ: “Obọ Ọghẹnẹ mai nọ ọ keria agbara-uvie na+ gbe Omogodẹ na+ esiwo mai o no ze.” 11  Ikọ-odhiwu na kpobi a dikihẹ wariẹ agbara-uvie na gbe ekpako na+ gbe emama ene nọ e rrọ uzuazọ na họ, a te kigwẹ vovao tuotọ evaọ aro agbara-uvie na, a tẹ gọ Ọghẹnẹ, 12  yọ a be ta nọ: “Ami! Jọ ujiro na, gbe oruaro na, gbe areghẹ na, gbe uyere na, gbe ọghọ na, gbe ogaga na, gbe ẹgba na e jọ erọ Ọghẹnẹ mai bẹdẹ bẹdẹ.+ Ami.” 13  Kẹsena, omọvo ekpako na ọ tẹ nọ omẹ nọ: “Ahwo nana nọ a ku iwu ithethei efuafo họ na,+ yọ amono, kọ bovẹ a no ze?” 14  Mẹ tẹ nwane ta kẹe nọ: “Olori mẹ, whẹ họ ọnọ ọ riẹ.” Ọ tẹ ta kẹ omẹ nọ: “Enana họ enọ i no uye ulogbo na ze,+ yọ a fọrọ iwu ithethei rai je ru ae fo no evaọ azẹ Omogodẹ na.+ 15  Oyejabọ nọ a rọ rrọ aro agbara-uvie Ọghẹnẹ na, yọ a bi ru iruo ọrẹri kẹe* te aso te uvo evaọ etẹmpol riẹ; yọ Ọnọ ọ keria agbara-uvie+ na ọ te rehọ uwou-udhu riẹ ruru ai.+ 16  Ohọo u gbe ti kpe ai hi yọ uruame u gbe ti kpe ai ofa ha, yọ erri ọre na hayo ẹrrorro ọgaga o gbe ti mu ai hi,+ 17  keme Omogodẹ na+ nọ ọ rrọ aro* agbara-uvie na ọ te sẹro rai wọhọ othuru-igodẹ,+ o ti su ai kpohọ iyeri-ame erọ ame uzuazọ.*+ Yọ Ọghẹnẹ o ti ririe irui-oviẹ kpobi no aro rai.”+

Eme-Obotọ

Hayo “evẹrẹ.”
Hayo “a be gọe uvi ẹgọ.”
Hayo “udevie kẹle.”
Hayo “eria nọ ame uzuazọ o bi no ze.”