Masmur 49:1-20
Ngagai pengarah musik. Lagu peturun Korah.
49 Pendingka tu, semua kita.
Peratika meh enggau manah semua kita ke ba dunya* tu,
2 Orang ke tinggi pangkat enggau orang biasa,Ke kaya enggau ke miskin.
3 Mulut aku deka nyebut jaku ti bepenemu-dalam,Lalu peragam ati aku deka nunjukka runding ti dalam.
4 Aku deka beratika enggau manah jaku ti dalam;Aku deka nerangka reti entelah* lebuh aku nebah belikan.*
5 Nama kebuah aku patut berasai takut lebuh aku dituntung penusah,Lebuh aku dikelingi orang ke jai ke nguji ngelabuhka aku?
6 Orang ke andalka pengaya diriSereta ke temegahka pemayuh reta diri,
7 Nadai siku pan ari sida nya ulih nebus orang bukaiTauka mayar rega tebus ngagai Petara ke orang nya,
8 (Rega tebus ke nyawa mensia kelalu marLalu sida enda ulih tebayarka nya sampai ila-ila);
9 Ngambika orang nya enda meda lubang kubur lalu ulih idup belama iya.
10 Semua orang nemu, orang ke bepenemu deka mati;Orang ke beli enggau ke enda nemu berunding mega deka mati,Lalu sida patut ninggalka pengaya sida ngagai orang bukai.
11 Dalam ati, sida dekaka rumah sida mengkang bisi belama iya;Sida dekaka langkau kain sida meruan bisi ari generasi ke generasi.*
Sida meri nama tanah sida ngena nama sida empu.
12 Taja pan sesiku orang dipebasa, tang iya enda ulih idup belama iya;Iya nadai bida enggau jelu ke nemu mati.
13 Baka nya meh pengujung orang ke beliSereta semua orang ke nitihka sida, ke rindu ninga sida bejaku begah. (Selah)
14 Baka bedus ke deka disayat, sida tentu deka mupuk ngagai Kubur.*
Pemati deka nyadi pengibun sida;Orang ke lurus deka bekuasa atas sida maya pagi hari.
Semua sida deka nadai agi, indah bekau sida pan nadai;Kubur* ke deka nyadi rumah sida, ukai istana.
15 Tang Petara deka nebus aku ari kuasa Kubur;*Iya deka nyelamatka aku lalu ngelindung aku. (Selah)
16 Anang takut lebuh sesiku orang nyadi kaya,Sereta lebuh reta ba rumah iya majak nambah,
17 Laban lebuh iya mati, iya enda ulih mai nama-nama utai enggau iya;Iya enda ulih mai reta iya sama enggau iya.
18 Sepemanjai pengidup iya, iya temegahka diri empu.
(Mayuh orang deka muji kitai enti kitai mayuh reta.)
19 Tang pengujung iya, iya deka mati baka aki ini iya;Iya enda ulih meda penampak agi.
20 Taja pan sesiku orang dipebasa, tang enti iya enda ulih meretika semua nya,Iya nadai bida enggau jelu ke nemu mati.
Nota Kaki
^ Tauka “jeman; sistem dunya.” Peda Penerang Leka Jaku, “Sistem dunya.”
^ Tauka “teka-teki.”
^ Tauka “harp.” Sebengkah perengka musik ke betali baka gitar, tang gamal iya enda sebaka enggau gitar.
^ Tauka “ari rebak ke rebak.”
^ Tauka “Sheol,” iya nya pendam ke mensia. Peda Penerang Leka Jaku.
^ Tauka “Sheol,” iya nya pendam ke mensia. Peda Penerang Leka Jaku.
^ Tauka “Sheol,” iya nya pendam ke mensia. Peda Penerang Leka Jaku.
