Masmur 2:1-12
2 Nama kebuah orang ari bemacham bansa pedis ati?
Nama kebuah orang ari serata menua berundingka utai ti nadai guna?
2 Bala raja ba dunya besedia deka beperang,Lalu bala pegawai ke tinggi pangkat begempungDeka ngelaban Jehovah sereta orang ke ditata Iya.*
3 Ku sida: “Aram kitai mutuska rantai enggau taliKe dikena nanchang kitai!”
4 Iya ke duduk ba kerusi diraja di serega deka ketawa.
Au, Jehovah deka ngeleseka sida.
5 Maya nya, Iya deka bejaku ngagai sida enggau pengeringat,Sereta ngenakutka sida ngena pengeringat Iya ti mau.
6 Ku Iya: “Aku udah ngelantik raja ke dipilih AkuBa Sion, gunung Aku ti kudus.”
7 Aku deka madahka pemutus ari Jehovah.
Ku Iya madah ngagai aku: “Nuan meh anak Aku;Lalu seharitu Aku nyadi apai nuan.”
8 Pinta ari Aku, lalu Aku deka meri mayuh bengkah bansa nyadika pesaka nuan,Lalu serata dunya deka diempu nuan.
9 Nuan deka nganchurka sida ngena tungkat besi,Lalu nuan deka ngeredakka sida baka ke ngeredakka periuk tanah.
10 O kita bala raja, ayanka penemu-dalam;O kita ke nyadi hakim ba dunya, terima meh jaku rara.*
11 Sembah meh Jehovah enggau ati ti nangi,Lalu ayanka basa ti besai ngagai Iya enggau ati ti gaga.
12 Muliaka anak Iya ngambika Iya enda ringatSereta ngambika nuan enda dibuai ari jalai ti bendar,Laban pengeringat Iya jampat mau.
Tang orang ke belindung ba Iya deka gaga ati.
