Masmur 39:1-13
Ngagai pengarah musik; nitihka Jedutun.* Lagu David.
39 Ku aku bejaku: “Aku deka nyaga singkang akuNgambika dilah aku enda mai aku bedosa.
Aku deka nyaga sereta nutup mulut akuSeagi-agi orang ke jai bisi ba depan aku.”
2 Aku enda bemunyi, enda bejaku,Nyebut pasal utai ti manah pan enda,Aku nguji ngenatka pemedis ke diasaika aku.
3 Tang api dalam ati aku majak mau.
Makin aku berundingka iya,* makin mau api nya.
Pengujung iya ku aku:
4 “O Jehovah, tulung aku sedar pengidup aku amat pandak;Padah ngagai aku berapa hari da ke agi tinggal alai aku agi idup,Ngambika aku nemu timpuh aku idup amat pandak.
5 Naka meh pemandak umur aku diberi Nuan;Pemanjai timpuh aku idup nadai reti ba Nuan.
Taja pan mensia dipeda kering, tang pengidup sida semina baka kesuh seput. (Selah)
6 Pengidup mensia baka bayang-bayang.
Semua utai ke dikereja sida nadai guna magang.
Sida nugungka pengaya tang sida enda nemu sapa ke deka ngelantangka diri ngena pengaya nya.
7 Nya alai, nama utai ke ulih dikearapka aku, O Jehovah?
Nuan aja meh harapan aku.
8 Selamatka aku ari semua dosa aku.
Anang nejuka orang ke beli ngeleseka aku.
9 Aku mengkang enda bemunyi;Aku enda ulih muka mulut,Laban Nuan ke ngasuh utai nya nyadi.
10 Anang ngukum aku agi.
Aku amat-amat udah nadai daya, laban jari Nuan udah malu aku.
11 Nuan ngukum sereta ngemetulka mensia ketegal penyalah sida;Baka indu gegat, Nuan ngerusak semua utai ti berega ke dikembuan sida.
Endang amat, pengidup mensia semina baka kesuh seput. (Selah)
12 O Jehovah, dingaka sampi aku,Pendingka kangau aku ke minta tulung.
Anang enda ibuhka ai mata aku.
Aku semina orang asing ba mata Nuan,Aku semina temuai Nuan enda lama, baka aki ini aku.
13 Badu agi ringat lebuh Nuan malik ngagai aku,Ngambika aku ulih gaga ati baru, sebedau aku mati.”
