Masmur 116:1-19
116 Aku rinduka JehovahLaban Iya ningaka* nyawa aku, lebuh aku ngangau minta tulung.
2 Iya mendingka* aku,Lalu aku deka ngangauka Iya seagi-agi aku idup.
3 Tali pemati nyau melit akuLalu aku dalam genggam Kubur.*
Ati ti tusah enggau pemerinsa nuntung aku.
4 Tang aku ngangauka nama Jehovah.
Ku aku: “O Jehovah, selamatka meh aku!”
5 Jehovah siru sereta lurus;Petara kitai endang pengasih.
6 Jehovah nyaga orang ke nadai pengalaman.
Lebuh aku nadai daya, Iya nyelamatka aku.
7 Aku enda irau agi,Laban Jehovah manah enggau aku.
8 Iya udah nyelamatka aku ari pemati.
Iya ngendas ai mata aku lalu nagang kaki aku ari tesangkut.
9 Aku deka bejalai ba depan Jehovah ba menua orang ke idup.
10 Taja pan aku balat merinsa,Aku enda ngetu bejaku laban aku arap.
11 Lebuh aku irau, aku nyebut:
“Semua orang penipu.”
12 Nama utai ke ulih diberi aku ngagai JehovahKena malas semua pemanah Iya ngagai aku?
13 Aku deka ngangkatka cawan penyelamat,Lalu aku deka ngangauka nama Jehovah.
14 Aku deka ngamatka semaya aku ngagai JehovahBa depan semua bala nembiak Iya.
15 Jehovah balat tusah atiLebuh bala nembiak Iya ti setia mati.*
16 O Jehovah, aku minta kasih ngagai Nuan,Aku tu nembiak Nuan.
Aku tu nembiak Nuan, baka indai aku suba ke nyadi nembiak Nuan.
Nuan udah ngelepaska aku ari ditanchang.
17 Aku deka nyerahka pemeri terima kasih ngagai Nuan;Aku deka ngangauka nama Jehovah.
18 Aku deka ngamatka semaya aku ngagai JehovahBa depan semua bala nembiak Iya,
19 Ba laman Rumah Jehovah,Ba kuta Jerusalem.
Puji meh Jah!*
Nota Kaki
^ Tauka engka, “Aku rindu laban Jehovah ningaka.”
^ Tauka “Iya mungkukka tubuh Iya lalu mendingka.”
^ Tauka “Sheol,” iya nya pendam ke mensia. Peda Penerang Leka Jaku.
^ Jaku Asal, “Pemati bala nembiak Iya ti setia amat berega ba Jehovah.”
^ Tauka “Hallelujah!” “Jah” nya nama pandak Jehovah.
