Masmur 21:1-13
Ngagai pengarah musik. Lagu David.
21 O Jehovah, raja gaga ati ketegal pengering Nuan;Raja balat gaga ati ketegal Nuan mai penyelamat!
2 Nuan udah meri utai ke dikinginka iya,Lalu Nuan enda kakang meri utai ke dipinta iya. (Selah)
3 Nuan datai ngagai iya mai mayuh berekat;Nuan udah ngengkahka makota emas ti tulin ba pala iya.
4 Iya minta umur ti panjai ari Nuan, lalu Nuan meri utai ke dipinta iya nya;Nuan meri iya pengidup ti meruan belama iya.
5 Mulia iya amat besai, laban Nuan udah nyelamatka iya.
Nuan udah ngasuh iya bekuasa sereta dipebasa.
6 Nuan ngasuh iya diberekat belama iya;Nuan ngasuh iya gaga ati laban Nuan bisi enggau iya.
7 O Jehovah, raja manggaika pengarap iya ba Nuan;Iya enda bekinsit laban Nuan, Petara ti Pemadu Tinggi, ngayanka pengerindu ti setia.
8 Jari Nuan deka nangkap semua munsuh Nuan;Jari kanan Nuan deka nangkap semua orang ke begedika Nuan.
9 O Jehovah, ba maya ke udah ditetapka Nuan, alai Nuan nguingka mua Nuan ngagai sida, Nuan deka ngemunaska sida sempama baka nikauka sida ngagai serumbung api.
Nuan deka nelan sida dalam pengeringat Nuan, lalu api deka nganguska semua sida.
10 Nuan deka ngemunaska peturun sida ari dunyaSereta ngemunaska bala anak enggau bala uchu sida ari entara mensia.
11 Sida bisi niat jai ngelaban Nuan,Tang pelan jai sida deka puntan.
12 Nuan deka ngasuh sida nyurutka diriLebuh Nuan ngichingka panah Nuan ngagai sida.
13 Angkat meh, O Jehovah, ayanka kuasa Nuan.
Kami deka belagu muji* pengering Nuan.
Nota Kaki
^ Tauka “deka mainka musik pasal.”
