Masmur 13:1-6
Ngagai pengarah musik. Lagu David.
13 O Jehovah, ni pengelama Nuan enda ingatka aku? Belama iya?
Ni pengelama Nuan nguingka mua Nuan ari aku?
2 Berapa lama agi aku patut irau,Lalu ngenatka ati ti tusah ninting hari?
Ni pengelama aku patut alah laban munsuh aku?
3 O Jehovah, Petara aku, malik meh ngagai aku lalu saut aku.
Pulaika baru pengering aku,* ngambika aku enda tinduk dalam pemati,
4 Ngambika munsuh aku enda nyebut: “Aku udah ngalahka iya!”
Anang nejuka orang ke ngelaban aku gaga ati meda aku alah.
5 Tang aku, aku arapka pengerindu Nuan ti setia;Ati aku deka berasai gaga laban Nuan nyelamatka aku.
6 Aku deka belagu ke Nuan, Jehovah, laban Nuan udah belimpah-limpah merekatka aku.
Nota Kaki
^ Tauka “Asuh meh mata aku terang.”
