Masmur 119:1-176
-
Beterima kasihka jaku Petara ti berega
-
‘Baka ni orang biak nentuka jalai sida mengkang tuchi?’ (9)
-
“Aku rinduka jaku pengingat Nuan” (24)
-
“Aku rindu amat ke adat Nuan!” (97)
-
“Bepenemu agi ari semua pengajar aku” (99)
-
“Jaku Nuan baka lampu kelita ke kaki aku” (105)
-
“Semua jaku Nuan endang bendar magang” (160)
-
Orang ke rinduka adat Petara bulih pengelantang (165)
-
א [Alef]
119 Gaga ati meh orang ke idup nadai bepenyalah,*Sereta ke idup nitihka adat Jehovah.
2 Gaga ati meh orang ke ngasika jaku pengingat Iya,Sereta ke ngiga Iya enggau pengabis ati.
3 Sida enda ngereja penyai;Sida nyingkang nitihka jalai Iya.
4 O Petara, Nuan udah ngasuh kamiBebendar nitihka pesan Nuan.
5 Awakka aku mengkang tegapSereta nitihka semua atur Nuan!
6 Enggau nya, aku enda maluLebuh aku belajarka pesan Nuan.
7 Aku deka muji Nuan enggau ati ti ikhlasLebuh aku belajarka pemutus Nuan ti lurus.
8 Aku deka nitihka semua atur Nuan.
Anang sekali-kali ninggalka aku.
ב [Bet]
9 Baka ni orang ke biak ulih nentuka jalai pengidup sida mengkang tuchi?
Sida ulih mengkang tuchi enti sida nyaga diri empu sejalai enggau jaku Nuan.
10 Aku ngiga Nuan enggau pengabis ati aku.
Anang nejuka aku limpang ari pesan Nuan.
11 Aku nyimpan jaku Nuan dalam ati akuNgambika aku enda bedosa ngelaban Nuan.
12 O Jehovah, awakka Nuan dipuji;Ajar meh aku semua atur Nuan.
13 Ngena mulut aku empu aku deka nusuiSemua pemutus ke udah disebut Nuan.
14 Jaku pengingat Nuan ngasuh ati aku gagaLebih agi ari ngembuan utai ti berega.
15 Aku deka belematika* pesan NuanSereta beratika jalai Nuan enggau bejimat.
16 Aku amat rinduka adat Nuan.
Aku deka meruan ingatka jaku Nuan.
ג [Gimel]
17 Awakka Nuan ngelayan nembiak Nuan tu enggau manah,Ngambika aku ulih mengkang idup sereta ngasika jaku Nuan.
18 Asuh mata aku enchelak ngambika aku ulih meda enggau terangUtai ti ngalitka ati dalam adat Nuan.
19 Aku tu semina orang asing ba menua tu.
Anang ngelalaika pesan Nuan ari aku.
20 Aku seruran kerankaPemutus ari Nuan.
21 Nuan ngerara orang ke sumbung,Iya nya orang ke tulah ke limpang ari pesan Nuan.
22 Anang nejuka aku dikelese sereta dikemaruhka,Laban aku udah nitihka jaku pengingat Nuan.
23 Taja pan bala tuai begempuru sereta bejaika aku,Nembiak Nuan tu mengkang belematika* semua atur Nuan.
24 Aku rinduka jaku pengingat Nuan;Jaku pengingat Nuan baka penasihat* aku.
ד [Dalet]
25 Aku ningkap malai debu.
Jaga meh aku ngambika aku mengkang idup munyi ti udah disemayaka* Nuan.
26 Aku madahka semua pengawa aku ngagai Nuan lalu Nuan nyaut aku;Ajar meh aku semua atur Nuan.
27 Tulung aku meretika pesan* Nuan,Ngambika aku belematika* pengawa Nuan ti ngalitka ati.
28 Aku enda ulih ngelelapka mata aku laban tusah ati.
Keringka aku munyi ti udah disemayaka* Nuan.
29 Kejangka aku jauh ari jalai pengidup ti pelesu.
Ayanka pengasih Nuan lalu ajar meh aku adat Nuan.
30 Aku milih deka mengkang setia.
Aku sedar pemutus Nuan endang betul.
31 Aku bepegai rat ba jaku pengingat Nuan.
O Jehovah, anang ngasuh aku asa ati.*
32 Aku deka ngasika pesan Nuan enggau pengabis ati,Laban Nuan nulung aku meretika pesan Nuan.*
ה [He]
33 O Jehovah, ajar meh aku idup nitihka atur Nuan,Lalu aku deka ngasika nya seagi-agi aku idup.
34 Asuh aku meretika utai enggau dalam,Ngambika aku ulih ngasika adat NuanLalu nitihka nya enggau pengabis ati.
35 Iring aku ngambika aku ulih ngasika pesan Nuan,Laban nya ngerinduka ati aku.
36 Asuh ati aku rinduka jaku pengingat Nuan,Ukai begagaika penguntung diri empu.
37 Anang ngasuh aku meda utai ke nadai guna;Jaga meh aku ngambika aku mengkang idup ba jalai Nuan.
38 Keamatka semaya* Nuan ngagai nembiak Nuan tu,Ngambika Nuan dipebasa.*
39 Kejangka aku jauh ari jaku kelese ke ngasuh aku takut,Laban pemutus Nuan endang manah.
40 Peda meh pengeran aku ke pesan Nuan.
Jaga meh aku ngambika aku mengkang idup sejalai enggau pengelurus Nuan.
ו [Waw]
41 O Jehovah, awakka aku ngasaika pengerindu Nuan ti setia,Lalu selamatka aku munyi ti udah disemayaka* Nuan,
42 Ngambika aku ulih nyaut orang ke ngeleseka aku,Laban aku manggaika pengarap ba jaku Nuan.
43 Anang ngambi jaku ti bendar ari mulut aku,Laban aku arapka* pemutus Nuan.
44 Aku deka seruran nitihka atur Nuan,Belama iya.
45 Aku deka bibas bejalai ba endur ti likun,Laban aku bebendar ngasika pesan Nuan.
46 Aku enda maluLebuh aku nyebut pasal jaku pengingat Nuan ba depan bala raja.
47 Aku rinduka pesan Nuan,Au, aku amat rinduka pesan Nuan.
48 Aku deka ngangkatka jari besampi, laban aku rinduka pesan Nuan,Lalu aku deka belematika* atur Nuan.
ז [Zayin]
49 Kingatka semaya* Nuan ngagai nembiak Nuan tu,Semaya* ke udah meri harapan ngagai aku.*
50 Jaku Nuan nyaga aku ngambika aku mengkang idup,Lalu ngasuh aku lantang lebuh aku merinsa.
51 Orang ke sumbung selalu ngeleseka aku,Tang aku enggai limpang ari adat Nuan.
52 O Jehovah, aku ingatka pemutus Nuan ke endang udah bisi kenyau ari kelia,Lalu nya ngelantangka ati aku.
53 Pengeringat aku mau,Laban orang ke jai ninggalka adat Nuan.
54 Atur Nuan nyadika lagu aku,Enda ngira dini alai aku diau.*
55 Lebuh malam hari, aku ingatka nama Nuan, O Jehovah,Ngambika aku ulih ngasika adat Nuan.
56 Nya meh ke seruran digaga aku,Laban aku deka ngasika pesan Nuan.
ח [Het]
57 Jehovah nya pesaka aku;Aku udah besemaya deka ngasika jaku Nuan.
58 Aku minta ngagai Nuan enggau pengabis ati aku;Kasih meh ke aku munyi ti udah disemayaka* Nuan.
59 Aku udah meresa pengidup aku,Ngambika aku ulih pulai baru lalu nitihka jaku pengingat Nuan.
60 Aku beguai-guai lalu enda betangguhNgasika pesan Nuan.
61 Tali orang ke jai melit aku,Tang aku ingatka adat Nuan.
62 Maya tengah malam, aku dani meri terima kasih ngagai Nuan,Laban pemutus Nuan lurus.
63 Aku bekaban enggau semua orang ke nangika NuanSereta enggau semua orang ke ngasika pesan Nuan.
64 O Jehovah, dunya tu penuh laban pengerindu Nuan ti setia;Ajar meh aku atur Nuan.
ט [Tet]
65 O Jehovah, Nuan manah amat enggau nembiak Nuan tu,Munyi ti udah disemayaka* Nuan.
66 Ajar meh aku ngambika aku bulih penemu sereta ulih meretika utai enggau dalam,Laban aku andalka pesan Nuan.
67 Suba, aku suah ngereja penyalah* lalu merinsa,Tang diatu aku ngasika jaku Nuan.
68 Nuan endang manah lalu semua pengawa Nuan mega manah.
Ajar meh aku pasal atur Nuan.
69 Orang ke sumbung ngerembaika pemula pasal aku,Tang aku ngasika pesan Nuan enggau pengabis ati aku.
70 Ati sida udah enda ulih ngasaika nama-nama utai agi,Tang aku rinduka adat Nuan.
71 Manah amat aku udah kala ngasaika pemerinsa,Ngambika aku ulih belajar pasal atur Nuan.
72 Adat ke diberi Nuan manah ke aku,Manah agi ari beribu singkap emas enggau pirak.
י [Yod]
73 Nuan udah ngaga sereta nempa aku ngena jari Nuan.
Asuh meh aku ulih meretika utai enggau dalam,Ngambika aku ulih belajar pasal pesan Nuan.
74 Orang ke nangika Nuan deka gaga ati lebuh meda aku,Laban jaku Nuan nya harapan aku.*
75 O Jehovah, aku nemu pemutus Nuan endang lurus,Lalu Nuan meri aku disiplin laban Nuan setia.
76 Awakka pengerindu Nuan ti setia merindang aku,Munyi ti udah disemayaka* Nuan ngagai nembiak Nuan tu.
77 Ayanka meh pengasih Nuan ngagai aku, ngambika aku ulih mengkang idup,Laban aku rinduka adat Nuan.
78 Awakka orang ke sumbung dikemaluka,Laban sida ngemediska aku taja pan nadai kebuah.*
Tang aku deka belematika* pesan Nuan.
79 Awakka orang ke nangika NuanSereta orang ke nemu jaku pengingat Nuan, pulai baru ngagai aku.
80 Awakka aku ngasika atur Nuan enggau pengabis ati aku,Ngambika aku enda dikemaluka.
כ [Kap]
81 Aku amat inginka pengelepas ari Nuan,Laban jaku Nuan nya harapan aku.*
82 Mata aku majak lelak nganti utai ke disemayaka* Nuan,Ku aku nanya: “Kemaya Nuan deka merindang aku?”
83 Aku tu baka butul kulit ke disalai sampai rangkai,Tang aku nadai kala enda ingatka atur Nuan.
84 Ni pengelama nembiak Nuan tu patut nganti?
Kemaya Nuan deka ngukum sida ke merinsaka aku?
85 Orang ti sumbung ke ngelanggar adat NuanUdah numbak lubang ke aku.
86 Semua pesan Nuan ulih dikearapka magang.
Orang merinsaka aku taja pan nadai kebuah; tulung meh aku!
87 Sida nyauka ngemunaska aku ari dunya,Tang aku enda ngelengkaka pesan Nuan.
88 Jaga meh aku ngambika aku mengkang idup, laban Nuan ngembuan pengerindu ti setia,Ngambika aku ulih bepegai ba jaku pengingat ke udah disebut Nuan.
ל [Lamed]
89 O Jehovah, jaku Nuan meruan belama iya.
Au, meruan belama iya ba serega.
90 Penetap ati Nuan meruan ari generasi ke generasi.*
Nuan udah negapka dunya ngambika dunya meruan bisi.
91 Ketegal pemutus Nuan, semua utai* mengkang bisi nyentukka diatu,Laban semua utai nya nembiak Nuan magang.
92 Enti sema aku enda rinduka adat Nuan,Aku tentu udah mati laban pemerinsa aku.
93 Aku deka seruran ingatka pesan Nuan.
Ketegal pesan Nuan nya meh, Nuan nyaga aku ngambika aku mengkang idup.
94 Aku enggi Nuan; selamatka meh aku,Laban aku bebendar ngasika pesan Nuan.
95 Orang ke jai nganti maya deka munuh aku,Tang aku beratika enggau manah jaku pengingat Nuan.
96 Aku meda semua utai ti sempurna bisi tatak magang,Tang pesan Nuan nadai tatak.*
מ [Mem]
97 Aku rindu amat ke adat Nuan!
Aku belematika* iya sepemanjai hari.
98 Pesan Nuan ngasuh aku pintar agi ari bala munsuh aku,Laban pesan Nuan meruan enggau aku belama.
99 Aku bepenemu agi ari semua pengajar aku,Laban aku belematika* jaku pengingat Nuan.
100 Pengawa aku nunjukka runding aku dalam agi ari runding orang ke tuai,Laban aku ngasika pesan Nuan.
101 Aku nyeliahka semua jalai ti jai,Ngambika aku ulih ngasika jaku Nuan.
102 Aku enda limpang ari pemutus Nuan,Laban Nuan udah ngajar aku.
103 Naka meh pemanis jaku Nuan!
Asai iya manis agi ari madu dalam mulut aku.
104 Pesan Nuan ngasuh aku ngereja utai enggau chara ti bepenemu.
Nya meh kebuah aku begedika semua jalai ti salah.
נ [Nun]
105 Jaku Nuan baka lampu kelita ke kaki aku,Baka penampak ke nenggau jalai aku.
106 Aku udah besumpah, lalu aku deka ngamatka iya,Ngambika aku ulih ngasika pemutus Nuan ti lurus.
107 O Jehovah, aku balat amat merinsa.
Jaga meh aku ngambika aku mengkang idup munyi ti udah disemayaka* Nuan.
108 O Jehovah, awakka Nuan lantang ati ke puji ti diberi aku ngagai Nuan nyadika pemeri sukarela,Lalu ajar meh aku pasal pemutus Nuan.
109 Pengidup aku seruran diemba pemati,Tang aku nadai kala enda ingatka adat Nuan.
110 Orang ke jai ngetanka panjuk kena manjuk aku,Tang aku nadai kala limpang ari pesan Nuan.
111 Jaku pengingat Nuan deka meruan enggau aku,*Laban jaku pengingat Nuan ngagaka ati aku.
112 Aku keran deka ngasika atur NuanSebarang maya, nyentukka seput aku padam.
ס [Samek]
113 Aku begedika orang ke bebagi ati,Tang aku rinduka adat Nuan.
114 Nuan meh terabai aku sereta endur alai aku belindung,Laban jaku Nuan nya harapan aku.*
115 Kita orang ke ngereja penyai, kejangka diri jauh ari aku,Ngambika aku ulih ngasika pesan Petara aku.
116 Sukung meh aku munyi ti udah disemayaka* Nuan,Ngambika aku ulih mengkang idup.
Anang nejuka aku asa ngapa ke* harapan aku.
117 Sukung meh aku ngambika aku ulih selamat.
Aku deka seruran beratika atur Nuan.
118 Nuan nulak semua orang ke limpang ari atur Nuan,Laban sida orang ti bula sereta udu nipu.
119 Nuan ngemunaska semua orang ke jai ba dunya baka sampah.*
Nya meh kebuah aku rinduka jaku pengingat Nuan.
120 Tubuh aku getar-getar laban aku takutka Nuan.
Au, aku takutka pemutus Nuan.
ע [Ayin]
121 Aku udah ngereja utai ti lurus sereta ngena.
Anang nyerahka aku ngagai orang ke nekan aku!
122 Aku minta Nuan besemaya nulung nembiak Nuan tu;Anang nejuka orang ke sumbung nekan aku.
123 Mata aku nyau lelak nganti pengelepas ari NuanSereta nganti semaya* Nuan ti lurus.
124 Ayanka meh pengerindu Nuan ti setia ngagai nembiak Nuan tu,Lalu ajar meh aku atur Nuan.
125 Aku tu nembiak Nuan; asuh meh aku meretika utai enggau dalam,Ngambika aku nemu jaku pengingat Nuan.
126 O Jehovah, maya udah datai alai Nuan patut angkat,Laban mensia udah ngelanggar adat Nuan.
127 Aku rinduka pesan NuanLebih agi ari emas, indah emas ti tulin.
128 Nya alai, ba aku, semua iring* Nuan ngena magang;Aku begedika semua jalai ti salah.
פ [Pe]
129 Jaku pengingat Nuan endang manah.
Nya kebuah aku ngasika jaku pengingat Nuan.
130 Jaku ke dipadah Nuan mai penampak,Lalu ngasuh orang ke nadai pengalaman ulih meretika utai.
131 Aku merangapka nyawa aku lalu bedemuh,*Laban aku balat rinduka pesan Nuan.
132 Nguing ngagai aku lalu kasih meh ke aku,Sejalai enggau pemutus Nuan ke orang ti rinduka nama Nuan.
133 Iring* meh singkang aku ngena jaku Nuan;Anang nejuka penyai nguasa aku.
134 Selamatka* meh aku ari orang ke nekan aku,Ngambika aku ulih ngasika pesan Nuan.
135 Awakka penampak mua Nuan manchar ngagai nembiak Nuan tu,Lalu ajar meh aku atur Nuan.
136 Ai mata aku nyau bekeberaiLaban mensia enda ngasika adat Nuan.
צ [Tsade]
137 O Jehovah, Nuan endang lurus,Lalu pemutus Nuan mega adil.
138 Jaku pengingat ke diberi Nuan endang lurusLalu sigi ulih dipechaya.
139 Pengeransing aku ke Nuan mau baka api,Laban munsuh aku enda ingatka jaku Nuan.
140 Jaku Nuan amat tuchi,Lalu nembiak Nuan tu rinduka jaku Nuan.
141 Aku tu enda penting sereta dikemaruhka,Tang aku nadai kala enda ingatka pesan Nuan.
142 Pengelurus Nuan meruan belama iya,Lalu adat Nuan nya pemendar.
143 Taja pan aku ditinggang penusah sereta merinsa,Aku mengkang rinduka pesan Nuan.
144 Jaku pengingat Nuan endang bendar belama iya.
Asuh meh aku meretika utai ngambika aku mengkang idup.
ק [Qof]
145 Aku ngangauka Nuan enggau pengabis ati; O Jehovah, saut meh aku.
Aku deka ngasika atur Nuan.
146 Aku ngangauka Nuan; selamatka meh aku!
Aku deka ngasika jaku pengingat Nuan.
147 Sebedau mata panas tumbuh, aku dani ngangauka Nuan minta tulung,Laban jaku Nuan harapan aku.*
148 Aku dani tengah malam,Ngambika aku ulih belematika* jaku Nuan.
149 Laban Nuan ngembuan pengerindu ti setia, dingaka meh nyawa aku.
O Jehovah, jaga meh aku ngambika aku mengkang idup, laban Nuan lurus.
150 Orang ke ngereja utai ti ngemaluka datai semak;Sida jauh ari adat Nuan.
151 Nuan endang semak aku, O Jehovah,Lalu semua pesan Nuan endang bendar.
152 Kenyau ari suba, aku belajar pasal jaku pengingat Nuan.
Nuan nentuka jaku pengingat Nuan tan belama iya.
ר [Res]
153 Peda meh pemerinsa aku lalu selamatka meh aku,Laban aku nadai kala enda ingatka adat Nuan.
154 Tanka meh* aku lalu selamatka meh aku;Jaga meh aku ngambika aku ulih mengkang idup, sejalai enggau semaya* Nuan.
155 Pengelepas jauh ari orang ke jai,Laban sida enda bebendar ngasika atur Nuan.
156 Naka meh pemesai pengasih Nuan, O Jehovah!
Jaga meh aku ngambika aku mengkang idup, sejalai enggau pengelurus Nuan.
157 Mayuh orang bemunsuh enggau aku sereta merinsaka aku,Tang aku nadai kala limpang ari jaku pengingat Nuan.
158 Aku begedi meda orang ke nikam orang bukai ari belakang,Laban sida enda nitihka jaku Nuan.
159 Peda meh pemalat aku rinduka pesan Nuan!
O Jehovah, jaga meh aku ngambika aku mengkang idup, laban Nuan ngembuan pengerindu ti setia.
160 Semua jaku Nuan endang bendar magang,Lalu semua pemutus Nuan ti lurus mengkang meruan belama.
ש [Sin] tauka [Shin]
161 Bala tuai merinsaka aku taja pan nadai kebuah,Tang ati aku mengkang bebasaka jaku Nuan.
162 Jaku Nuan ngasuh aku gaga ati,Baka orang ke tetemuka mayuh reta.
163 Aku begedi sereta kejika semua pemula,Tang aku rinduka adat Nuan.
164 Tujuh kali sehari aku muji NuanLaban pemutus Nuan lurus.
165 Orang ke rinduka adat Nuan bulih pengelantang ti belimpah;Nadai utai ke ulih ngasuh sida tesangkut.
166 Aku nganti pengelepas ari Nuan, O Jehovah,Lalu aku ngasika pesan Nuan.
167 Aku nitihka jaku pengingat Nuan,Lalu aku amat rinduka jaku pengingat Nuan.
168 Aku ngasika pesan sereta jaku pengingat Nuan,Laban Nuan nemu semua utai ke dikereja aku.
ת [Taw]
169 Awakka kangau aku ke minta tulung datai ngagai Nuan, O Jehovah.
Asuh meh aku meretika utai munyi ti udah disemayaka* Nuan.
170 Dinga meh peminta aku,Lalu selamatka meh aku baka ke udah disemayaka* Nuan.
171 Awakka mulut aku seruran muji Nuan,Laban Nuan ngajar aku atur Nuan.
172 Awakka dilah aku belagu pasal jaku Nuan,Laban semua pesan Nuan lurus.
173 Awakka jari Nuan seruran sedia nulung aku,Laban aku milih deka ngasika pesan Nuan.
174 O Jehovah, aku amat inginka pengelepas ari Nuan,Lalu aku rinduka adat Nuan.
175 Awakka aku mengkang idup ngambika aku ulih muji Nuan;Awakka pemutus Nuan nulung aku.
176 Aku baka bedus ti tesat. Giga meh nembiak Nuan tu,Laban aku nadai kala enda ingatka pesan Nuan.
Nota Kaki
^ Tauka “idup setia.”
^ Tauka “belajarka.”
^ Tauka “belajarka.”
^ Tauka “penyanding penemu.”
^ Tauka “disebut.”
^ Jaku Asal, “jalai.”
^ Tauka “belajarka.”
^ Tauka “disebut.”
^ Tauka “aku malu.”
^ Tauka engka, “Laban Nuan ngasuh aku yakin.”
^ Tauka “jaku.”
^ Tauka engka, “Iya nya semaya ke digaga Nuan ngagai sida ke nangika Nuan.”
^ Tauka “disebut.”
^ Tauka “nganti.”
^ Tauka “belajarka.”
^ Tauka “jaku.”
^ Tauka “Jaku.”
^ Tauka “Ketegal nya, Nuan ngasuh aku nganti.”
^ Tauka “Ba rumah alai aku diau nyadi orang asing.”
^ Tauka “disebut.”
^ Tauka “disebut.”
^ Jaku Asal, “suah limpang.”
^ Tauka “Laban aku nganti jaku Nuan.”
^ Tauka “disebut.”
^ Tauka “belajarka.”
^ Tauka engka, “ngemediska aku ngena pemula.”
^ Tauka “Laban aku nganti jaku Nuan.”
^ Tauka “disebut.”
^ Tauka “ari rebak ke rebak.”
^ Iya nya, semua utai ke digaga Iya.
^ Jaku Asal, “Tang pesan Nuan amat luas.”
^ Tauka “belajarka.”
^ Tauka “belajarka.”
^ Tauka “disebut.”
^ Tauka “deka nyadi pesaka aku belama iya.”
^ Tauka “Laban aku nganti jaku Nuan.”
^ Tauka “disebut.”
^ Tauka “aku dikemaluka ketegal.”
^ Jaku Asal, “baka sepur logam.” Reti iya utai kamah ari pirak tauka emas ke diluluhka.
^ Tauka “jaku.”
^ Tauka “pesan.”
^ Jaku Asal, “lalu sengah-sengah.”
^ Tauka “Tegapka.”
^ Jaku Asal, “Tebus.”
^ Tauka “Laban aku nganti jaku Nuan.”
^ Tauka “belajarka.”
^ Tauka “Belaban meh ngarika kes.”
^ Tauka “jaku.”
^ Tauka “disebut.”
^ Tauka “disebut.”
