Eṱe tu vanga okunyandisa omutima wa Jehova moviṋa avihe mbi matu tjiti. (Omiano 27:11) Kutja tu tjite nao, eṱe matu sokutoora omikambo mbi mavi hitasana ku nomeripura wa Jehova, nandarire kutja kape nomatwako omakahu ngu maye yenene okutuhongorera po. Otjikeṋa tji matji tu vatere okutjita nao?

Twa po oruveze ndu mo lese Ombeibela yoye eyuva arihe. Otjikando atjihe tji matu tu lese Ombeibela i ri tjimuna oruveze aruhe ndo tu ri pamwe na Jehova. Tu rihonga ohunga nomuano Jehova me ripura, okutjiwa omuano ma tjindi ovakarere ve nokukonḓonona ovihorera vyaimba mbaave tjiti ouwa poo ohunga na imba mbaave tjiti ouvi komurungu wa Mukuru. Indu tji matu hepa okutoora omukambo, Ombepo ondjapuke u tu vatera okuzemburuka oviṋa ovinanḓengu nomirari mbi twe rihonga okuza mEmbo ra Mukuru.—Joh 14:26.

Konḓonona. Indu tji wa toora omukambo, ripura omuini kutja, ‘Omatjangwa poo omahungi yeṋe wOmbeibela ngu maye ndji vatere okuzuva nawa oumune wa Jehova ohunga notjiṋa hi?’ Kumba ku Jehova kutja me ku vatere, nu ungurisa oviungurisiwa vyetu vyomakonḓononeno mbi ri meraka roye, okukuvatera okumuna nokuṱakamisa omirari vyOmbeibela mbi mavi ku vatere mongaro mu u ri.—Eps 25:4.

TARERA OKAVIDIO NGA “NGATU TUPUKE NOKUHAURWA”—RYA OVIKURYA OVIVERUKE. OKUZAMBO ZIRA OMAPURIRO NGA:

• Oṋiṋikizire iṋe omukazendu omutanda mokavidio ndja muna?

  Your answer

• Omomuano uṋe mu mo yenene okuungurisa oviungurisiwa vyomakonḓononeno okukuvatera okutjinda oṋiṋikizire otjingeyo?

  Your answer

• Matu munu ouwa waye indu tji twa twa po oruveze okukonḓonona omapu ngu maye tjiti kutja tu toore omikambo omisemba?—Hebr 5:13, 14

  Your answer