Mombura aihe, tu undja nonḓero okukazuva imbi Jehova mbye tu rongerisira pomaworonganeno wotukondwa. Okutja matu sokuṋanga ovandu ovengi otja pu matu yenene kutja owo wina ve kerimunine ouwa waJehova. (Eps 34:8) Orutu aruhe rwovanene vombongo maru sokutya kutja maru handjaura vi oumbapira womaṋangero momuano omusemba.

• Omaworonganeno wetu wotukondwa maye kara ko ruṋe?

• Omahandjauriro woumbapira womaṋangero maye utu ruṋe?

• Ombongarero yokukazuvarisa i tjitwa ruṋe?

• Mba tjiti ozondando zaye komahandjauriro woumbapira womaṋangero nga?

• Oouṋe mbu me sokuṋanga?

Tji wa zu nokukorisa omundu mo yenene okutja:

“Matu ṋanga ovandu mouye auhe kotjitjitwa otjinanḓengu tjinene. Eyuva, noiri noruveze vya tjangwa pokambapira komaṋangero. Matu tjaterwa tjinene tji we ya.”

Nandarire kutja matu vanga okuṋanga ovandu ovengi komaworonganeno wotukondwa, matu sokuyandja ombango kokukurisa onḓero yovandu mba raisa ombango.

MOroviungura nOsondaha mo yenene okuyandja okambo nga o-Watchtower poo o-Awake pu nokambapira komaṋangero.