Սաղմոս 51։1-19
Նվագավարին։ Դավթի երգը։ Երբ Նաթան մարգարեն նրա մոտ եկավ այն բանից հետո, երբ Դավիթը հարաբերություն էր ունեցել Բերսաբեի հետ+։
51 Ցո՛ւյց տուր ինձ քո հաճությունը, ո՜վ Աստված, քո սիրառատ բարության համաձայն+։Քո առատ ողորմության համաձայն՝ ջնջի՛ր իմ հանցանքները+։
2 Ամբողջությամբ լվա՛ ինձ իմ անօրենությունից+Եվ սրբի՛ր ինձ իմ մեղքից+։
3 Իմ հանցանքները ես գիտեմ+,Եվ իմ մեղքը միշտ իմ առջև է+։
4 Քո՛, միմիայն քո՛ դեմ մեղք գործեցի+,Արեցի այն, ինչը որ չար է քո աչքում+,Այնպես որ դու արդար ես, երբ խոսում ես+,Եվ մաքուր ես, երբ դատում ես+։
5 Ահա ես անօրենությամբ եմ ծնվել երկունքի ցավերի մեջ+,Եվ մորս հղիության պահից սկսած՝ ես մեղքի մեջ եմ+։
6 Ահա դու սիրում ես ճշմարտությունը, որը սրտի մեջ է+,Օգնիր ինձ իմաստությունը ճանաչել սրտիս խորքում+։
7 Մաքրի՛ր ինձ մեղքից զոպայով, որպեսզի ես մաքուր լինեմ+,Լվա՛ ինձ, որպեսզի ես ձյունից ավելի ճերմակ լինեմ+։
8 Լսե՛լ տուր ինձ ցնծություն և ուրախություն+,Որպեսզի ոսկորներս, որոնք դու փշրել ես, առողջանան*+։
9 Ծածկի՛ր երեսդ իմ մեղքերից+,Ջնջի՛ր իմ բոլոր անօրենությունները+։
10 Մաքուր սիրտ ստեղծիր իմ մեջ, ո՜վ Աստված+,Եվ նոր ու հաստատուն ոգի դիր իմ ներսում+։
11 Դեն մի՛ գցիր ինձ քո երեսի առաջից+Եվ քո սուրբ ոգին մի՛ վերցրու ինձանից+։
12 Վերադարձրո՛ւ ինձ քո բերած փրկության ցնծությունը+Եվ պատրաստակամ ոգի արթնացրու իմ մեջ+։
13 Ես հանցագործներին կսովորեցնեմ քո ճանապարհները+,Որպեսզի մեղավորները դեպի քեզ դառնան+։
14 Ազատի՛ր ինձ արյունապարտ լինելուց+, ո՜վ Աստված, իմ փրկությա՛ն Աստված+,Որ լեզուս ցնծությամբ քո արդարության մասին պատմի+։
15 Ո՜վ Եհովա, բա՛ց արա իմ շուրթերը+,Որ բերանս գովաբանի քեզ+։
16 Քեզ հաճելի չեն զոհերը, այլապես ես դրանք քեզ կմատուցեի+,Ողջակեզների մեջ դու բավականություն չես գտնում+։
17 Աստծուն ընդունելի զոհը կոտրված ոգին է+.Կոտրված ու փշրված սիրտը, ո՜վ Աստված, դու չես արհամարհի+։
18 Քո բարեհաճությամբ բարի՛ք գործիր Սիոնին+,Վերաշինի՛ր Երուսաղեմի պարիսպները+։
19 Այդ ժամանակ քեզ հաճելի կլինեն արդարությամբ մատուցված զոհերը+,Ողջակեզներն ու ընծաները+.Եվ այդժամ քո զոհասեղանի վրա ցլեր կմատուցվեն+։
Ծանոթագրություններ
^ Բռց.՝ «ցնծան»։
