Labib i reponn

Eski i posib pour konpran Labib?

Labib i Parol Bondye. I parey en let sorti kot en papa ki ranpli avek lanmour. (2 Timote 3:16) Dan Labib, Bondye i eksplik nou konman pour fer li plezir, akoz i permet lemal egziste, e ki i pou fer pour limanite a lavenir. Me bann ki ansenny larelizyon in detourn sa ki Labib i ansennyen e sa i fer ki bokou dimoun i krwar ki zot pa pou zanmen konpran Labib.​—Akt 20:29, 30.

Zeova i anvi nou konn laverite lo li. Se pour sa rezon ki i’n donn nou en liv ki nou kapab konpran.​—Lir 1 Timote 2:3, 4.

Ki mannyer ou kapab konpran Labib?

An plis ki donn nou Labib, Zeova i donn nou led pour konpran Labib. I ti anvoy Zezi pour vin ansenny nou. (Lik 4:16-21) Zezi ti ed son lodyans pour konpran Lekritir, i ti mansyonn bann verse Labib enn deryer lot.​—Lir Lik 24:27, 32, 45.

Zezi ti etabli kongregasyon Kretyen pour ki sa travay ki i ti’n konmanse ti pou kontinyen. (Matye 28:19, 20) Ozordi, bann vre disip Zezi i ed dimoun pour konpran sa ki Labib i dir lo Bondye. Si ou ti a kontan konpran Labib, Temwen Zeova ti pou byen kontan pour ed ou.​—Lir Akt 8:30, 31.

Pour plis lenformasyon, vwar sapit 2 dan liv Ki Labib i vreman dir? pibliye par Temwen Zeova

[Portre lo paz 16]