Psonm 21:1-13

  • Lerwa ki annan konfyans dan Zeova i ganny beni

    • Lerwa i viv lontan (4)

    • Bann lennmi Bondye pou ganny defet (8-12)

Pour direkter lanmizik. En sanson David. 21  O Zeova, lerwa i dan lazwa akoz ou lafors.+ I vreman kontan akoz ou’n azir pour sov li!+  2  Ou’n donn li sa ki son leker i anvi,+Ou pa’n refiz li sa ki i’n demande.* (Sela)  3  Parski ou’n vin donn li en kantite benediksyon. Ou’n met en kouronn lor pir* lo son latet.+  4  I ti demann ou lavi, pour viv lontanE ou ti donn li lavi,+ pour touzour e touzour.  5  Ou’n donn li bokou laglwar akoz ou’n sov li.+ Ou’n donn li dinyite ek labote.  6  Ou’n beni li pour touzour,+Ou’n fer li kontan akoz ou avek li.*+  7  Parski lerwa i annan konfyans dan Zeova.+ I pa pou zanmen tonbe*+ gras a lanmour fidel sa Enn Tre O.  8  Ou lanmen pou atrap tou ou bann lennmi. Ou lanmen drwat pou atrap bann ki ay ou.  9  Dan ou letan fikse, ou pou detrir zot parey keksoz ki ganny brile dan four. Dan son lakoler, Zeova pou detrir* zot e dife pou bril zot konpletman.+ 10  Ou pou fer zot desandans* disparet lo laterE zot zanfan parmi bann imen. 11  Parski zot ti anvi fer en move keksoz kont ou.+ Zot in fer bann konplo ki pa pou reisi.+ 12  Parski ou pou fer zot sove+Ler ou viz ou fles* lo zot.* 13  O Zeova, silvouple leve e montre ou lafors. Nou pou sant bann kantik* pour loue ou pwisans.

Bann not

^ Oubyen “demande avek son lalev.”
^ Oubyen “rafinen.”
^ Literalman, “akoz lazwa lo ou figir.”
^ Oubyen “drive.”
^ Oubyen “anval.”
^ Literalman, “fri.”
^ Literalman, “lakord lark.”
^ Literalman, “zot figir.”
^ Literalman, “sant e zwe lanmizik.”

Copyrights for this publication