Psonm 90:1-17
En lapriyer Moiz, serviter sa vre Bondye.+
90 O Zeova, ou’n toultan nou landrwa proteksyon,*+ zenerasyon apre zenerasyon.
2 Avan ki bann montanny ti konmans egziste,Avan ki ou ti fer later* e lemonn,*+Depi touzour* e pour touzour, ou menm ki Bondye.+
3 Ou fer bann imen retourn dan lapousyer.
Ou dir: “Zot bann garson zonm, retourn dan lapousyer.”+
4 Parski pour ou, mil an i parey en lazournen* ki’n pas vit,+Parey detrwa erdtan pandan lannwit.
5 Ou balye zot+ e zot disparet parey en rev,*Dan bomaten, zot parey zerb ki’n pouse.+
6 Dan bomaten, i grandi e fleri,Me aswar i fletri e sek.+
7 Parski ou lakoler i detrir nou+E nou vreman per akoz ou gran lakoler.
8 Ou met nou pese devan ou*+E ou vwar sa ki nou fer an sekre.*+
9 Nou pros pour mor akoz ou gran lakolerE nou lavi i fini zis parey en souf.*
10 Nou viv pour 70 anOubyen 80 an+ si nou vreman for.
Me nou lavi i ranpli avek problenm ek sagrinasyon.
Lavi i pas vit e nou anvole.+
11 Lekel ki kapab konpran lafors ou lakoler?
Nou bezwen annan en gran respe pour ou zis parey ou lakoler i gran.+
12 Montre nou ki mannyer pour kont nou bann zour+Pour ki nou vin saz.*
13 O Zeova, retournen!+ Ziska kan sa pou dire?+
Pran pitye pour ou bann serviter.+
14 Dan bomaten, demontre ou lanmour fidel anver nou,+Pour ki nou kriy avek lazwa e selebre+ tou dilon nou lavi.
15 Fer nou zwaye pour menm kantite zour ki ou’n fer nou soufer,+Pour menm kantite lannen ki nou’n fer fas avek maler.+
16 Ki ou bann serviter i vwar sa ki ou ferE ki zot zanfan i vwar ou laglwar.+
17 Ki Zeova nou Bondye i demontre labonte anver nou.
Beni nou pour ki tou sa ki nou fer i reisi.*
Wi, pour ki nou reisi dan tou sa ki nou fer.+
Bann not
^ Oubyen “landrwa reste.”
^ Oubyen “fer later parey en madanm ki dan douler lakousman.”
^ Oubyen “later kot i annan dimoun.”
^ Oubyen “Depi leternite ziska leternite.”
^ Literalman, “yer.”
^ Oubyen “sonmey.”
^ Oubyen “nou bann sekre i ganny devwale devan lalimyer ou figir.”
^ Oubyen “Ou konn nou bann fot.”
^ Oubyen “respirasyon.”
^ Oubyen “ganny en leker saz.”
^ Oubyen “Ki tou sa ki nou fer i ganny solidman etabli.”
