“Fodre ou koz lo sa ki’n ganny ekrir dan sa liv Lalwa e fodre ou lir li avwabas lizour konman aswar. Koumsa, ou pou obeir tou sa ki’n ganny ekrir ladan e alor ou pou reisi dan ou lavi e ou pou azir avek lasazes.”

Zozye 1:8

“Zot ti kontinyen lir liv Lalwa sa vre Bondye byen for. Zot ti eksplik li byen e fer zot konpran sa ki ti pe ganny lir. Alor zot ti ed sa pep pour konpran sa ki ti pe ganny lir.”

Neemya 8:8

“Ere sa dimoun ki pa ekout konsey bann move dimoun . . . . Me i pran plezir dan lalwa Zeova e i lir Son lalwa avwabas lizour konman aswar. . . . . Tou sa ki sa dimoun i fer pou reisi.”

Psonm 1:1-3

“Filip ti tay akote sa saret e tann sa zofisye pe lir aotvwa liv profet Izai. I ti dir: ‘Eski ou vreman konpran ki ou pe lir?’ I ti dir: ‘Be ki mannyer mon pou kapab konpran si en dimoun pa eksplik mwan?’”

Akt 8:30, 31

 “Zot napa okenn leskiz, akoz menm si Bondye i envizib, depi kreasyon lemonn, i’n posib pour imen konn son bann kalite, setadir son pwisans eternel e lefet ki i vreman Bondye atraver bann keksoz ki iʼn fer.”

Romen 1:20

“Reflesir lo sa bann keksoz e pran zot aker, pour ki tou dimoun i vwar ki ou pe progrese.”

1 Timote 4:15

“Annou demontre en lentere senser dan lezot pour ki nou kapab ankouraz kanmarad pour demontre lanmour e fer bann bon aksyon. Annou pa aret rasanble ansanm.

Ebre 10:24, 25

“Alor, si enn parmi zot i mank lasazes, i devret kontinyen demann Bondye e i pou gannyen, parski Bondye i donn tou dimoun avek zenerozite san fer okenn repros.”

Zak 1:5