Proverb 21:1-31
21 Leker en lerwa i parey bann pti larivyer dan lanmen Zeova.+
I diriz li kot I anvi.+
2 En dimoun i krwar ki tou sa ki i fer i byen,+Me Zeova i egzamin leker.*+
3 Pour Zeova, fer sa ki byen e zisI pli bon ki fer en sakrifis.+
4 Lizye ek leker en dimoun aroganSetadir sa lalanp ki gid bann move dimoun, i pese.+
5 Bann plan en dimoun ki travay dir pou reisi,*+Me tou bann ki azir tro vit pou sirman vin pov.+
6 Ler en dimoun i koz manti pour li ganny bann trezor,Sa i parey lafoumbal ki disparet e en latrap ki touye.*+
7 Vyolans bann move dimoun pou balye zot+Parski zot pa oule azir avek lazistis.
8 Semen en dimoun ki koupab i tord,Me en dimoun ki pir i fer bann keksoz ki drwat.+
9 I pli bon si en dimoun i reste lo bout twa en lakazDan plas reste dan menm lakaz avek en madanm ki kontan fer kankan.*+
10 En move dimoun i anvi fer sa ki mal.+
I pa demontre labonte anver son prosen.+
11 Ler en monker i ganny pini, dimoun ki napa leksperyans i vin pli sazE ler en dimoun ki saz i annan bon zizman, i ganny konnesans.*+
12 Sa Enn ki drwat i get lakaz en move dimoun.
I fer en move dimoun ganny problenm.+
13 En dimoun ki bous son zorey ler en malere i kriye,Li osi ler i kriye personn pa pou reponn li.+
14 En kado ki ganny donnen an sekre i fer dimoun aret ankoler+E en gous ki ganny donnen dan kasyet* i fer dimoun ki vreman ankoler aret ankoler.
15 Sa enn ki fer sa ki byen* i zwaye ler i azir avek lazistis,+Me pour bann move dimoun, sa i en move keksoz.
16 En dimoun ki nepli azir avek bon zizmanPou al repoze avek bann dimoun ki’n mor e ki napa lafors.+
17 En dimoun ki kontan anmize* pou vin pov.+
En dimoun ki kontan diven ek delwil pa pou vin ris.
18 En move dimoun i ganny donnen pour sov lavi en dimoun ki fer sa ki byenE en dimoun ki tret pou ganny pran dan plas en dimoun ki fer sa ki drwat.+
19 I pli bon si en dimoun i reste dan dezerDan plas reste avek en madanm ki kontan fer kankan* e ki ankoler vitman.+
20 En dimoun ki saz i annan trezor ki presye ek delwil dan son lakaz,+Me en dimoun ki bet pou gaspiy* sa ki i annan.+
21 En dimoun ki kontinyen fer sa ki byen e ki demontre lanmour fidelPou ganny lavi, ladrwatir ek laglwar.+
22 En dimoun ki saz i kapab grenp miray* lavil bann dimoun forE detrir sa ki zot annan konfyans ladan.+
23 En dimoun ki vey son labous ek son lalangPa met son lekor dan problenm.+
24 Dimoun pou konsider konman vantar e arogan,Sa enn ki pa mazin konsekans son aksyon.+
25 Bann keksoz ki en dimoun pares i anvi pou touy liParski i pa oule travay avek son lanmen,+
26 I anvi en kantite keksoz lazournen antye,Me sa enn ki fer sa ki byen i donn tou keksoz ki i annan.+
27 Sakrifis ki en move dimoun i ofer i degoutan.+
I pli degoutan ankor ler i ofer sa sakrifis avek en move lentansyon.*
28 En temwen ki koz manti pou mor,+Me en temwen ki dir sa ki i’n tande pou reisi.*
29 En move dimoun i paret serye,+Me en dimoun ki fer sa ki drwat pou mars lo en semen ki an sekirite.*+
30 Napa lasazes, ni disernman, ni konsey si i al kont plan Zeova.+
31 Seval in ganny prepare pour zour lager,+Me Zeova ki sove.+
Bann not
^ Oubyen “motivasyon.”
^ Oubyen “dan son lavantaz.”
^ Oubyen posibleman, “pour bann dimoun ki anvi mor.”
^ Oubyen “kontan konplent.”
^ Oubyen “i konnen ki i pou fer.”
^ Literalman, “en gous lo lestoman.”
^ Oubyen “dimoun ki drwat.”
^ Oubyen “kontan bann keksoz ki fer li kontan.”
^ Oubyen “kontan konplent.”
^ Literalman, “anval.”
^ Oubyen “ganny laviktwar lo.”
^ Oubyen “e an menm tan i fer bann keksoz ki fer onte.”
^ Literalman, “koze pour touzour.”
^ Oubyen “pou fer son semen an sekirite.”
