Maminaw ba ang Diyos sa Imong mga Pag-ampo?
Dihang mag-ampo ka, naghunahuna ba ka kon paminawon ka sa Diyos?
UNSAY GIINGON SA BIBLIYA?
Maminaw ang Diyos. Ang Bibliya nagpasalig nato nga “si Jehova duol sa tanang nagatawag kaniya, sa tanang nagatawag kaniya sa kamatuoran. . . . Iyang dunggon ang ilang pagtuaw alang sa tabang.”—Salmo 145:18, 19.
Gusto sa Diyos nga moampo ka kaniya. Gidasig ta sa Bibliya: “Sa tanang butang ipahibalo sa Diyos ang inyong mga hangyo pinaagi sa pag-ampo ug pangamuyo uban ang pagpasalamat.”—Filipos 4:6.
Gimahal gyod ka sa Diyos. Nahibalo ang Diyos sa tanan natong problema ug kabalaka, ug gusto ta niyang tabangan. Ang Bibliya nag-ingon: “Itugyan kaniya ang tanan ninyong kabalaka, kay gimahal mo niya.”—1 Pedro 5:7.
