Usa ka sukod sa butang nga mala nga katumbas sa napulo ka omer (Ex 16:36) o ikanapulo sa usa ka homer. Ang ephah katumbas sa bath nga sukod sa butang nga likido ug busa gibanabana nga 22 L. (Eze 45:11) Sa Kasulatan, ang “ephah” gigamit labot sa gidaghanon sa harina (Lev 5:11), sebada (Ru 2:17), sinangag nga lugas (1Sa 17:17), ug trigo (Eze 45:13). Kini nga termino nagtumong usab sa sudlanan nga gigamit sa pagsukod sa usa ka ephah. (Lev 19:36; Am 8:5) Ang Zacarias 5:6-11 naghisgot sa usa ka sudlanan nga ephah nga may lingin nga taklob nga tingga, nga niana gisulod ang babaye nga gitawag ug “Pagkadaotan.”