Usa ka dapit o tinukod didto sa karaang Jerusalem. (2Sa 5:9; 1Ha 9:​15, 24; 11:27; 2Ha 12:20; 1Cr 11:8; 2Cr 32:5) Sa Maghuhukom 9:​6, 20 ang samang Hebreohanong pulong nga gihubad ug “Bungdo” (mil·lohʼʹ) gihubad nga “Milo.”​—Tan-awa ang MILO.

Wala mahibaloi karong adlawa kon unsa kining matanga sa Bungdo. Sa 2 Hari 12:20 gihisgotan ang “balay sa Bungdo,” nga lagmit nagpakita nga  kini maoy samag kuta nga tinukod. Labot sa nahimutangan niini, ang 2 Samuel 5:9 ug 2 Cronicas 32:5 naglangkit niini sa Siyudad ni David, nga nagpakitang kini anaa sa sulod o kaha sa daplin sa Siyudad ni David.