Amos 6:1-14
6 “Hirak man kan mga kampante* sa Sion,Kan mga nakakamati nin katiwasayan sa bukid kan Samaria,+An mga prominenteng lalaki kan pinakapanginot na nasyon,Sinda na mga dinudulukan kan nasyon* nin Israel!
2 Magbalyo kamo sa Calne asin hilinga nindo.
Hali duman magpasiring kamo sa Dakulang Hamat,+Asin magbaba kamo pasiring sa Gat kan mga Filisteo.
Mas marahay daw an mga iyan kisa sa mga kahadian na ini,*O mas mahiwas daw an teritoryo ninda kisa kan saindo?
3 Dai daw nindo iniisip an aldaw nin kapahamakan,+Asin tinutugutan daw nindo na maghadi an* kadahasan?+
4 Naghihigda sinda sa mga higdaan na gibo sa marpil+ asin naghuhurunat sa mga sofa+Asin nagkakakan nin mga lalaking karnero hali sa aripumpon asin nin mga pinatabang ugbon na baka;*+
5 Naggigibo sinda nin mga kanta sa tugtog kan arpa,*+Asin arog ni David, nag-iimbento sinda nin mga instrumento sa musika;+
6 Nag-iinom sinda nin arak sa mga mangko+Asin linalahidan an saindang sadiri kan pinakamarahay na klaseng mga lana.
Pero dai sindang pakilabot* sa grabeng kapahamakan kan banwaan ni Jose.+
7 Kaya maiinot sindang puwersahan na dadarahon sa ibang nasyon,+Asin matatapos an maribok na kaurugmahan kan mga nakahigdang nakahurunat.
8 ‘Ipinanumpa kan Soberanong Kagurangnan na Jehova an saiyang sadiri,’*+ an sabi ni Jehova na Diyos nin mga hukbo,‘“Nababaldi ako sa kapalangkawan kan Jacob,+Nauungis ako sa saiyang mga tore na may matibay na depensa,+Asin itatao ko sa mga kaiwal an siyudad saka an mga yaon diyan.+
9 “‘“Asin kun may matadang sampulong lalaki sa sarong harong, magagadan man sinda.
10 An saindang bangkay aalsahon paluwas nin sarong kaparyente* asin saro-sarong susuluon. Iluluwas niya sa harong an mga tulang ninda; pagkatapos, masabi siya sa siisay man na nasa laog kan mga tagong kuwarto kan harong, ‘Igwa ka pa diyan nin kaiba?’ Asin masabi ini, ‘Mayo na!’ Dangan masabi siya, ‘Mag-alo ka! Huli ta bako ini an panahon para sambiton an pangaran ni Jehova.’”
11 Huli ta si Jehova an nagtatao kan pagbuot,+Asin rurumpagon niya an dakulang harong,Saka wawasakon niya an sadit na harong.+
12 Nagdadalagan daw an mga kabayo sa ibabaw nin dakulang gapo,O may maarado daw diyan gamit an mga baka?
Huli ta ginibo nindong nakakahilong* tanom an hustisya,Asin ginibo nindong ahenho* an bunga nin katanusan.+
13 Nag-uugma kamo sa bagay na daing kamanungdanan,Asin sinasabi nindo, “Bakong nagin makapangyarihan kita* dahil sa sadiri tang kusog?”+
14 Kaya mapadara ako nin sarong nasyon laban saindo, O nasyon nin Israel,’+ an sabi ni Jehova na Diyos nin mga hukbo,‘Asin papasakitan ninda kamo puon sa Lebo-hamat*+ sagkod sa Sulugan na Kababan* kan Araba.’”
Mga Nota
^ Sa literal, “harong.”
^ O “mga sobra an tiwala sa sadiri.”
^ Minalataw na nanunungod sa kahadian kan Juda asin Israel.
^ Sa literal, “irinarani daw nindo an tukawan nin.”
^ O “torilyong baka.”
^ O “instrumentong de-kuwerdas.”
^ Sa literal, “dai sinda nagkahilang.”
^ O “kalag.”
^ Sa literal, “kan tugang na lalaki kan saiyang ama.”
^ O “nakakahudong na.”
^ Sa literal, “nakakua kita nin mga sungay.”
^ O “sa entrada kan Hamat.”
