Asu koɖo ashi yoyuwo jinɔ mɔ jijɔ ci yewokpɔ le alɔlele lɔ hwenu akpɔtɔ ani tɛgbɛɛ. Atɛnŋ anyi ahan nɔ wo. Kristotɔ ciwo yí lé alɔ hwenu jinjin ɖe vayi yí je agbla wanɔ do Bibla nukplamuwo ji nya mɔ nyɔnɔnwi yí nyɔ cɛ nyi.

1. Nukplamu ciwo Bibla na ŋsuwoɔ?

Yehowa sɔ ŋsu lɔ ɖo eta nɔ xomu lɔ. (Hlɛn Efezitɔwo 5:23.) Yehowa ji mɔ ŋsu lɔ asɔnɔ gbeta ciwo mɛ nyɔna le nɔ xomu lɔ. Bibla nu nɔ ŋsuwo mɔ: “Mí lɔn míwo shi[wo].” (Efezitɔwo 5:25) Enyɔ cɛ gɔnmɛ ɖe? Ŋsu ci yí lɔn ashiɛ wanɔ nu do nu koɖo xomɛfafa, nɔ wole axomɛ alo amowo mɛ. Églɔnnɔ ta ni yí donɔ jijɔ ni yí gbeje agbla yí kpɔnɔ yi ʒanwo gbɔ. (1 Timɔte 5:8) Vevitɔ lɔɔ, ékpenɔdo nu nɔ yi koɖo Yehowa gblamɛ akpɔtɔ asɛnŋ. (Matie 4:4) Le kpɔwɛ mɛ, átɛnŋ adonɔ gbe ɖaɖa yí ahlɛnnɔ Bibla koɖo ashiɛ. Nɔ ŋsu ɖe lenɔ bu nɔ ashiɛ koɖo lɔnlɔn ɔ, yɛ koɖo Yehowa akpɔtɔ anyi xlɔ.—Hlɛn 1 Piɛ 3:7.

2. Nukplamu ciwo Bibla na nyɔnu leasuxwewoɔ?

Mawu Nyɔ lɔ nu mɔ nyɔnu ɖo ‘ana bubu asuɔ.’ (Efezitɔwo 5:33) Lé atɛnŋ awɛ doɔ? Átɛnŋ ayi susu mɛ akpɔ asuɔ nɔnɔmɛ nywiwo koɖo agbla ci ejenɔ yí lenɔ bu nɔ yɛ koɖo viɛwo. Átɛnŋ agbedo bubu yi nu nɔ édonɔ alɔ yi le gbetasɔsɔwo mɛ, nɔ éxonɔ nuxu ni koɖo xomɛfafa yí gbexonɔ nuxu nywi so nu nɔ amowo, nɔ asuɔ lɔ desɛnsɛn Yehowa can.

3. Lé asu koɖo ashi atɛnŋ ado ŋsɛn wowo lɔlele doɔ?

Bibla nu so asu koɖo ashiwo nu mɔ: “Wo amɛve lɔwo a trɔsun elanci kuɖeka kpaŋ.” (Matie 19:5) Ecɛ dasɛ mɔ, nɔ ŋɖekpokpui jikɔ ama wo mɛɔ, woatekpɔ aɖu ji. Wowɛni ahan nɔ wonɔnɔ ju blaŋblaŋ yí sɔ lɔnlɔn nunɔ wowo susuwo koɖo wowo seselelanmɛwo le nyɔnɔnwi mɛ. Nɔ mìɖe Yehowa ti le mɛɔ, ŋsu alo nyɔnu delɔn yí ŋɖe alo mɛɖe nɔnɔ veviɖe ni sɔwu mɛ ci eɖe o. Taŋtaŋ ɔ, wokpɔnɔ wowoɖekiwo ji nywiɖe nɔ woŋgbevatɔ zɔnzɔn koɖo mɛbuɖe o.

 JI DWI NI KPƆ DOJI

4. Ŋsuwo, mílɔn míwo shiwo yí ale bu nɔ wo nywiɖe

5. Nyɔnu leasuxwewo, mílɔn míwo suwo yí abunɔ wo

Bibla do ŋsɛn nyɔnuwo mɔ, wo le bu wowo suwo nɔ wosɛnnɔ Yehowa alo wodesinni can. Hlɛn 1 Piɛ 3:1, 2, keŋ agbeje nyɔbiɔse cɛwo mɛ:

• Nɔ asuo desɛnnɔ Yehowaɔ, kankandoji li mɔ èji mɔ yɛasin. Nyi èkpɔ mɔ eyi akpedo nu avatɔ sinsin ɔ? Ci àɖekɔ kunu ni gashiagamɛa, alo ci àdadasɛ nɔnɔmɛ nywiwo yí abuini? Nyi yí taɖo ènu ahan ɔ?

Asu koɖo ashiwo atɛnŋ asɔnɔ gbeta nywiwo doju. Vɔ hweɖowonuɔ, nyɔnu lɔ susu tɛnŋ to akpo nɔ asuɔ tɔ. Átɛnŋ asɔ xomɛfafa nu yi susuwo nɔ asuɔ koɖo bubu, vɔ éɖo anya mɔ  Yehowa sɔ ŋsu lɔ ɖo ta nɔ xomu lɔ nɔ asɔnɔ gbeta nywitɔwo ni. Éɖo awa ci ji ekpe keŋ anɔ godu nɔ gbeta ci asuɔ sɔ. Nɔ éwɛni ahan ɔ, akpedo xomu lɔ pleŋ nu yí woakpɔnɔ jijɔ. Hlɛn 1 Piɛ 3:3-5, keŋ agbeje biɔse cɛ mɛ:

• Nɔ nyɔnu ɖe bunɔ asuɔ ɖe, lé ewanɔ nɔ Yehowaɔ?

6. Àtɛnŋ aɖu cukaɖawo ji le ao lɔlele mɛ

 ENU CI ÈKPLA

Asu koɖo ashi atɛnŋ akpɔ jijɔ nɔ wolɔn wowonɔnɔwo, bunɔ wowonɔnɔwo yí wanɔ do Bibla gɔnmɛɖosewo ji.

Enumɛtoto

• Nyi ŋsu atɛnŋ awa yí jijɔ anɔ yi lɔlele mɛɔ?

• Nyi nyɔnu atɛnŋ awa yí jijɔ anɔ yi lɔlele mɛɔ?

• Nɔ èɖe nyɔnu alo èɖe asu ɖe, Bibla gɔnmɛɖose ci yí atɛnŋ ado ŋsɛn ao lɔlele lɔɔ?