Ngoho Nga Ha Muvhuso Wa Mudzimu
Yesu o gudisa vhatevheli vhawe uri musi vha tshi rabela vha ri: “Khotsi ashu wa ṱaḓulu, dzina ḽau nga ḽi vhe ḽikhethwa. Muvhuso wau u ḓe. Zwine wa zwi funa nga zwi itwe fhano kha ḽifhasi vhunga zwi tshi itwa ngei ṱaḓulu.” (Mateo 6:9, 10) Muvhuso Wa Mudzimu ndi mini? U ita mini? Nahone ndi ngani ri tshi tea u rabela uri u ḓe?
Yesu ndi Khosi ya Muvhuso Wa Mudzimu.
Luka 1:31-33: “Ane wa ḓo mu ira dzina ḽa Yesu. Onoyo murwa u ḓo vha muhulwane, a vhidzwa Murwa wa Wa-Ṱaḓulu-ṱaḓulu, Yehova Mudzimu u ḓo mu ṋea khuluṋoni ya Davida khotsi awe, a vha Khosi nḓuni ya Yakobo nga hu sa fheli, Muvhuso wawe u nga si vhe na magumo.”
Tshithu tshihulwanesa tshe Yesu a huwelela nga hatsho ndi Muvhuso Wa Mudzimu.
Mateo 9:35: “Yesu a fara lwendo a ya miḓini na miḓanani yoṱhe, a funza sinagogoni dzavho na u huwelela mafhungo maḓifha a Muvhuso na u fhodza malwadze oṱhe na maṱungu oṱhe.”
Yesu o vhudza vhatevheli vhawe zwe zwa vha zwi tshi ḓo vha thusa u vhona uri Muvhuso Wa Mudzimu wo no vha tsini.
Mateo 24:7: “Lushaka lu ḓo lwa na luṅwe lushaka na muvhuso wa lwa na muṅwe muvhuso, ha vha na nḓala, ha vha na midzinginyo fhethu hunzhi.”
Ṋamusi, vhafunziwa vha Yesu vha huwelela nga ha Muvhuso Wa Mudzimu shangoni ḽoṱhe.
Mateo 24:14: “Huno aya mafhungo maḓifha a Muvhuso a ḓo ḓivhadzwa ḽifhasini ḽoṱhe uri a pfiwe nga tshaka dzoṱhe, nga murahu ndi hone vhufhelo vhu tshi ḓo ḓa.”
You May Also Like
ESSENTIAL BIBLE TEACHINGS
Muvhuso Wa Mudzimu Ndi Mini?
Tshifhingani tsha vhuḓinḓa hawe kha ḽifhasi, Yesu o funza nga ha Muvhuso wa Mudzimu u fhira dziṅwe thero dzoṱhe. Vhathu vho fhedza maḓana a miṅwaha vha tshi khou rabelela uri wonoyo Muvhuso u ḓe.
BIVHILI—I NA MULAEDZA UFHIO?
Yesu U Funza Nga Muvhuso Wa Mudzimu
Ndi tshiṱoho tshifhio tshe Yesu a huwelela nga hatsho? O sumbedza hani uri vhuvhusi hawe vhu ḓo vha ho thewa kha lufuno na khaṱulokwayo?
