Vhurifhi Ha Vhuvhili Vhu Yaho Kha Vhakorinta 2:1-17
2 Ndo ita phetho ya u sa ni ṱungufhadza musi ndi tshi dovha nda ḓa kha inwi.
2 Arali ndi tshi ni ṱungufhadza, ndi nnyi ane a ḓo ita uri ndi takale nga nnḓa ha vhe nda vha ṱungufhadza?
3 Ndi ngazwo ndo ni ṅwalela uri musi ndi tshi ḓa, ndi si ṱungufhadzwe nga vhane vha fanela u ntakadza, ngauri ndi na vhungoho ha uri zwine zwa ntakadza zwi takadza inwi noṱhe.
4 Ndo ni ṅwalela ndi maṱunguni, ndo tsikeledzea ndi tshi khou lila, hu si uri ndi ni ṱungufhadze,+ fhedzi ndi tshi ṱoḓa u ni sumbedza nḓila ine nda ni funa ngayo.
5 Arali hu na we a ṱungufhadza muṅwe,+ ho ngo ṱungufhadza nṋe, o ṱungufhadza inwi noṱhe. Fhedzi a thi ṱoḓi u mu sasaladza nga maanḓa.
6 Vhunzhi haṋu no no kaidza onoyo muthu o itaho tshivhi, nahone zwo eḓana;
7 zwino ni fanela u mu hangwela na u mu khuthadza,+ uri a si tsikeledzwe nga vhuṱungu ho kalulaho.+
8 Ndi ngazwo ndi tshi ni ṱuṱuwedza uri ni mu sumbedze uri ni a mu funa.+
9 Ndo ni ṅwalela zwenezwi uri ndi vhone arali ni tshi thetshelesa kha zwithu zwoṱhe.
10 Ane na mu hangwela, na nṋe ndi a mu hangwela. Musi ndi tshi hangwela, ndi zwi itela u ni thusa, na uri zwi vhoniwe nga Kristo,
11 uri ri si fhurwe nga Saṱhane,+ ngauri ri a ḓivha nḓila* dzine a dzi shumisa uri a ri fashe.+
12 Musi ndi tshi swika ngei Tiroasi+ uri ndi ḓivhadze mafhungo maḓifha nga ha Kristo, ndo vulelwa na tshibuli* tsha u ita mushumo wa Murena,
13 ndo vhilaela ngauri a tho ngo wana wahashu Tito.+ Nda vha onesa nda ya Makedonia.+
14 Fhedzi ri livhuwa Mudzimu ane a ri ranga phanḓa ri na Kristo sa maswole a tshi vhuya nndwani o kunda. Nḓivho yawe i nga munukhelelo wavhuḓi, ri i ḓivhadza hoṱhe nga mushumo washu.
15 Riṋe vhane ra ḓivhadza nga ha Kristo ri nga munukhelelo wavhuḓi kha Mudzimu. Wonoyo munukhelelo u fembedzwa nga vhane vha ḓo tshidzwa na vhane vha ḓo fheliswa.
16 Kha vhane vha ḓo fheliswa ri munukho u isaho lufuni,+ kha vhane vha ḓo tshidzwa ri munukhelelo u isaho vhutshiloni. Ndi nnyi ane a fanelea u ita wonoyo mushumo?
17 Ndi riṋe, ngauri a ri rengisi ipfi ḽa Mudzimu+ u fana na vhaṅwe, fhedzi ri huwelela nga u ḓifunela sa vhafunziwa vha Kristo vho rumiwaho nga Mudzimu, ri tshi vhonwa ngae.
