Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TETEPA 2014

 TUMU PARAU MATAMUA | NO TE AHA TE TAATA MAITAI E ATI AI?

Eaha ta te Atua e rave?

Eaha ta te Atua e rave?

Te faaite maitai maira te Bibilia i ta Iehova e ta ta ’na Tamaiti Iesu Mesia e rave no te mauiui ta te Diabolo ra o Satani i faatupu. Te na ô ra te Bibilia: “No reira i faaitehia mai ai te Tamaiti a te Atua ra [Iesu], ia haamou oia i te ohipa a te diabolo ra.” (Ioane 1, 3:8) E haamouhia teie nei ao miimii tei î i te riri e te mau ohipa iino. Te fafau ra Iesu i te tiavaru i te Diabolo ra o Satani, “te arii o teie nei ao.” (Ioane 12:31) I te mea e eita faahou Satani e haavare i te taata, e haamauhia ïa te tahi ao apî parau-tia e e tupu te hau i te fenua nei.—Petero 2, 3:13.

Eaha te tupu ia ore te feia etaeta e taui i to ratou haerea e tei onoono i te rave i te ino? Ia au i teie parau fafau papu: “Na te feia pi‘o ore hoi e parahi i te fenua, e te feia parau-tia te haapapuhia i reira; e tâpû-ê-hia ra te paieti ore i te fenua nei, e te feia i rave i te hara ra, e taihitumuhia ïa.” (Maseli 2:21, 22) E haamouhia te feia iino, e tupu te hau e e riro tei auraro i te Atua ei taata tia roa.—Roma 6:17, 18; 8:21.

E nafea te Atua e faaore ai i te ino i roto i te ao apî? E ere ma te haafaufaa ore i te tiamâraa o te taata e ma te faatere ia ratou mai te matini ra te huru. E haapii râ oia i ta ’na aratairaa i te feia auraro ma te tauturu atu ia patoi i te mau mana‘o e ohipa iino.

E faaore te Atua i te mau mea atoa e haamauiui ra i te taata

E vaiiho anei te Atua ia tupu te ati mana‘o-ore-hia? Ua fafau oia e fatata to ’na Basileia i te faatere i te fenua. Ua maiti oia ia Iesu Mesia ei Arii, te vai ra hoi ia ’na te mana no te faaora i te ma‘i. (Mataio 14:14) E mana atoa to Iesu i nia i te reva. (Mareko 4:35-41) E ore roa ïa te mauiui ta te ati mana‘o-ore-hia e faatupu. (Koheleta 9:12) I raro a‘e i te faatereraa Mesia, eita te huitaata e ite i te ati.—Maseli 1:33.

Eaha te tupu no te mau mirioni taata hapa ore tei pohe? Tau taime rii na mua ’‘e a faatia mai ai i to ’na hoa Lazaro i te ora, ua na ô Iesu: “Tei ia ’u te tia-faahou-raa e te ora.” (Ioane 11:25) E mana to Iesu no te faatia mai i te feia i pohe i te ora!

E hinaaro anei oe e ora i roto i te hoê ao e ore ai te taata maitai e ati? Mai te peu e e, a faaoti i te hi‘opoa i te Bibilia no te ite atu â i te Atua mau e ta ’na opuaraa. E oaoa roa te mau Ite no Iehova e faaea ra i to oe vahi i te tauturu ia oe ia fana‘o i tera ite. Te faaitoito atu nei matou ia farerei ia ratou aore ra ia papai i te feia i pia i teie vea.