Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA TETEPA 2014

Te pahono ra te Bibilia

Te pahono ra te Bibilia

E farii anei te Atua i te mau haapaoraa atoa?

A faaroo ai i te parau apî na te ara, ua ite oe e ua ravehia te mau ohipa iino i te tahi taime ma te i‘oa o te haapaoraa. Aita te Atua mau e farii i te mau haapaoraa atoa. (Mataio 7:15) Ua haavarehia ïa te rahiraa o te mau taata.—A taio i te Ioane 1, 5:19.

Te ite ra râ te Atua o vai te feia e au i te maitai e te parau mau. (Ioane 4:23) Te faaitoito ra te Atua i tera mau taata ia haapii i te parau mau i roto i te Bibilia.—A taio i te Timoteo 1, 2:3-5.

E nafea ia ite o vai te mau Kerisetiano mau?

Noa ’tu eaha ta ratou haapaoraa na mua ’‘e, te tahoê nei te Atua ra o Iehova i te taata ma te haapii ia ratou i te parau mau e ia here te tahi i te tahi. (Mika 4:2, 3) Ia ite oe i te feia e haapao i te tahi i te tahi, o ratou te Kerisetiano mau.—A taio i te Ioane 13:35.

Te tahoê nei te Atua ra o Iehova i te taata atoa maoti te haapaoraa mau.—Salamo 133:1

E faaau te feia haamori mau i ta ratou tiaturiraa e to ratou oraraa i ta te Bibilia e haapii ra. (Timoteo 2, 3:16) E faahanahana atoa ratou i te i‘oa o te Atua. (Salamo 83:18) E faaite atoa e o te Basileia o te Atua te ravea hoê roa no te huitaata. (Daniela 2:44) Te pee ra ratou i te hi‘oraa o Iesu ma te hamani maitai i te taata e ua vaiiho ïa i te ‘maramarama ia anaana.’ (Mataio 5:16) E ite oe o vai te mau Kerisetiano mau ia haere ratou na te mau fare no te faaite i te parau apî oaoa o te Basileia o te Atua.—A taio i te Mataio 24:14; Ohipa 5:42; 20:20.

 

No te ite atu â

Eaha te parau apî oaoa?

Haapii eaha te parau apî no ǒ mai i te Atua, no te aha mea faufaa roa ’i e ia aha ïa tatou.

Te haamoriraa ta te Atua e farii

Hi‘opoa e ono tuhaa o te faaite o vai ma te faaohipa ra i te haapaoraa mau.