Fa re dumela gore batho ba tla tshela ba sa sotlege, tsela e re lebang botshelo ka yone le e re lebang Modimo ka yone e tla fetoga.

Batho ba le bantsi ba batla go fedisa pogo, mme gone ga bana bokgoni le maatla a go dira jalo. Ela tlhoko dintlha tse di latelang:

Le fa go nna go dirwa dilo tse di ka fo fokotsang malwetse . . .

• Batho ba le bantsi ba bolawa ke bolwetse jwa pelo.

• Bolwetse jwa kankere bo bolaya batho ba le bantsi ngwaga le ngwaga.

• Dr. David Bloom o ile a kwala jaana mo pegong ya  Frontiers in Immunology: “Mo lefatsheng go na le malwetse a a tshelanwang a a tsayang sebaka go fola, a mangwe ke a a masha mme a mangwe a nna a ntse a ipoeletsa.”

Le fa dinaga tse dingwe di humile thata . . .

• Ngwaga le ngwaga bana ba le bantsi ba a tlhokafala mme seno se diragala thata mo mafelong a go nnang batho ba ba humanegileng mo go one.

• Batho ba le bantsi ga ba na dithoelete tse di tsamaisang leswe.

• Batho ba le bantsi ga bana metsi a a phepa.

Le fa gone batho ba le bantsi ba itse ditshwanelo tsa batho . . .

• Go utswiwa ga batho go nna go ntse go oketsega mo dinageng di le dintsi. Pego nngwe ya United Nations ya re: “Batho ba ba utswang batho ga ba ise ba tshwarwe ka gonne puso e sa itse ka bothata joo kgotsa e sena di dirisiwa tse di lekaneng go lwantshana le jone.”

  ITHUTE MO GO OKETSEGILENG

  Leba bidio ya Bogosi Jwa Modimo ke Eng? mo jw.org.

Modimo o a re kgathalela.

Ga a itlhokomolose mathata a rona le kutlobotlhoko ya rona.

“[Modimo] ga a a nyatsa le fa e le go ila pogisego ya yo o bogisiwang; mme ga a a mo fitlhela sefatlhego, o ne a utlwa fa a goela kwa go ene a kopa thuso.”—PESALEMA 22:24.

‘Latlhelang tlhobaelo yotlhe ya lona mo go ene, ka gonne o a lo kgathalela.’—1 PETERE 5:7.

Go boga ga go ka ke ga nnela ruri.

Baebele e solofetsa gore boikaelelo jwa Modimo ka ga rona bo tla diragadiwa.

“Modimo . . . o tla phimola dikeledi tsotlhe mo matlhong a bone, mme loso lo tla bo lo seyo, le fa e le khutsafalo le fa e le selelo le fa e le botlhoko di tla bo di sa tlhole di le gone.”—TSHENOLO 21:3, 4.

Modimo o tla fedisa dilo tsotlhe tse di bogisang batho.

O tla dirisa Bogosi jwa gagwe jo Baebele e bo tlhalosang e le puso ya mmatota go fedisa pogo.

“Modimo wa legodimo o tla tlhoma bogosi jo bo se kitlang bo senngwa le ka motlha. Mme bogosi joo ga bo kitla bo fetisediwa mo bathong bape ba bangwe. . . . Bo tla ema ka bosakhutleng.”—DANIELE 2:44.