Petere wa Ntlha 5:1-14

  • Disang letsomane la Modimo (1-4)

  • Ikokobetseng e bile lo nne lo thantse (5-11)

    • Latlhelang ditlhobaelo tsotlhe mo Modimong (7)

    • Diabolo o tshwana le tau e e kurutlang (8)

  • Mafoko a bofelo (12-14)

5  Ka jalo, e re ka le nna ke le mogolwane mmogo le lona, mme ke ile ka bona tsela e Keresete a bogisitsweng ka yone e bile ke tlile go amogela kgalalelo e e tla senolwang,+ ke ikuela* jaana mo bagolwaneng ba ba mo gare ga lona:  Disang letsomane la Modimo+ le lo le tlhokometseng, lo direle lo le balebedi,* e seng ka go patelediwa mme e nne ka go rata, go dumalana le thato ya Modimo;+ e seng ka go batla dikhumo ka bopelotshetlha,+ mme e nne ka tlhagafalo;  lo se ka lwa rena mo bathong ba e leng boswa jwa Modimo,+ mme lo nne dikao mo letsomaneng.+  Mme fa modisa yo mogolo+ a sena go senolwa, lo tla amogela serwalo se se sa swabeng sa kgalalelo.+  Ka tsela e e tshwanang, lona makawana, ikobeleng banna ba ba godileng.*+ Mme lotlhe lo nne* boikokobetso* fa lo dirisana, ka gonne Modimo ga a itumelele batho ba ba mabela, mme o naya ba ba boikokobetso bopelonomi jo bogolo.*+  Ka jalo, ikokobeletseng Modimo yo o maatla, gore a tle a lo godise mo nakong e e tshwanetseng.+  Latlhelang ditlhobaelo tsotlhe tsa lona* mo go ene,+ ka gonne o a lo kgathalela.+  Nnang lo thantse mo ditlhaloganyong, mme lo nne lo disitse.+ Mmaba wa lona, e bong Diabolo, o tsamayatsamaya jaaka tau e e kurutlang, a batla go kometsa mongwe.*+  Mme ganetsanang le ene,+ lo nonofile mo tumelong, lo itse gore bakaulengwe botlhe ba lona mo lefatsheng ba boga jaaka lo boga.+ 10  Mme fa lo sena go boga ka nakwana, Modimo yo o abang dimpho tsotlhe tsa bopelonomi jo bogolo, yo o neng a lo bitsa gore lo nne seoposengwe le Keresete le gore lo amogele kgalalelo ya gagwe e e nnelang ruri,+ o tla lo katisa a bo a dira gore lo tshwanelegele go mo direla. O tla lo nonotsha,+ o tla lo thusa+ gore lo tswelele lo ikanyega e bile o tla dira gore lo nne lo tiile. 11  Maatla ke a gagwe ka bosakhutleng. Amen. 12  Ke lo kwaletse ka mafoko a le mmalwa ke dirisa Silefano,*+ yo ke mo tsayang e le mokaulengwe yo o ikanyegang, gore ke lo kgothatse ke bo ke lo tlhomamisetse gore bopelonomi jo bogolo jwa Modimo bo boammaaruri. Bo ngangatleleng. 13  Mosadi yo o mo Babelona, yo o tlhophilweng jaaka lona, o a lo dumedisa, Mareko+ morwaake le ene o a lo dumedisa. 14  Dumedisanang ka lorato.* A lona lotlhe ba lo leng barutwa ba ga Keresete lo nne le kagiso.

Dintlha Tse di Kwa Tlase

Kgotsa “rotloetsa.”
Kgotsa “lo le lebelele ka kelotlhoko.”
Kgotsa “bagolwane.”
Kgotsa “apare.”
Kgotsa “mogopolo wa go ikokobeletsana.”
Kgotsa “dilo tse lo tshwenyegileng ka tsone.”
Kgotsa “a batla mongwe yo a ka mo kometsang.”
Gape o bidiwa Silase.
Seger., “katlo e e boitshepo.” Fa Bakeresete ba kopana, yo mongwe o ne a suna yo mongwe mo lerameng fa a mo dumedisa.