Baefeso 6:1-24
6 Bana, utlwang batsadi ba lona+ seoposengweng+ le Morena, gonne seno se siame:
2 “Tlotla rrago le mmago”;+ se e leng taelo ya ntlha e e nang le tsholofetso:+
3 “Gore dilo di go tsamaele sentle le gore o tle o tshele nako e telele mo lefatsheng.”+
4 Mme lona, borre, lo se ka lwa tshwenya bana ba lona,+ mme tswelelang lo ba godisetsa+ mo kotlhaong+ le mo taolong ya mogopolo+ ya ga Jehofa.
5 Lona batlhanka, utlwang ba e leng beng ba lona ka tlhaloganyo ya senama,+ ka poifo le go roroma+ ka bopeloephepa jwa dipelo tsa lona, jaaka lo utlwa Keresete,
6 e seng ka go direla fa lo lebilwe jaaka bakgatlhi ba batho,+ mme jaaka batlhanka ba ga Keresete, lo dira thato ya Modimo ka moya otlhe.+
7 Nnang batlhanka ba ba nang le mekgwa e mentle, jaaka mo go Jehofa,+ mme e seng mo bathong,
8 gonne lo a itse gore mongwe le mongwe, le fa e le molemo ofe o a ka o dirang, o tla o amogela gape go tswa kwa go Jehofa,+ e ka ne e le motlhanka kgotsa mogololesegi.+
9 Gape, lona beng, nnang lo dire tsone dilo tseo mo go bone, lo lesa go tshosetsa,+ gonne lo itse gore Mong wa bone mmogo le lona+ o kwa magodimong, mme ga go na tlhaolele+ mo go ene.
10 La bofelo, tswelelang lo bona maatla+ mo Moreneng le mo thateng+ ya nonofo ya gagwe.
11 Aparang diaparo tse di feletseng tsa tlhabano+ tse di tswang kwa Modimong gore lo tle lo kgone go ema lo nitame kgatlhanong le maano a boferefere+ a ga Diabolo;
12 ka gonne re lwa,+ e seng le madi le nama, mme le dipuso,+ le balaodi,+ le babusi ba lefatshe ba lefifi+ leno, le mephato ya meya e e boikepo+ mo mafelong a selegodimo.
13 Ka lebaka leno, aparang diaparo tse di feletseng tsa tlhabano tse di tswang kwa Modimong,+ gore lo tle lo kgone go itsetsepela mo letsatsing le le boikepo le gore, fa lo sena go dira dilo tsotlhe ka botlalo, lo eme lo nitame.+
14 Jalo, emang lo nitame, lotheka lwa lona lo gatlhilwe+ ka boammaaruri,+ mme lo apere seiphemelo sa sehuba sa tshiamo,+
15 le dinao+ tsa lona di rwele iketleetso ya dikgang tse di molemo tsa kagiso.+
16 Mo godimo ga dilo tsotlhe, tsayang thebe e kgolo ya tumelo, e lo tla kgonang go tima dibetsa tsotlhe tse di konopiwang tse di fisang tsa yo o boikepo ka yone.
17 Gape, amogelang tlhoro+ ya phemelo ya poloko, le tšhaka+ ya moya,+ e leng, lefoko la Modimo,+
18 mme ka mofuta mongwe le mongwe wa thapelo+ le mokokotlelo lo tswelela lo rapela ka lobaka longwe le longwe ka moya.+ Mme gore lo dire jalo, nnang lo tsogile ka metlha yotlhe e bile lo kokotlelela baitshepi botlhe,
19 le nna, gore ke tle ke newe bokgoni jwa go bua+ ka go bula molomo wa me, ka kgololesego ya go bua+ gore ke itsise sephiri se se boitshepo sa dikgang tse di molemo,+
20 tse ke dirang ke le moemedi+ wa tsone ke le mo dikeetaneng; gore ke tle ke bue ka bopelokgale ka ga tsone jaaka ke tshwanetse go bua.+
21 Jaanong gore gape lo tle lo itse ka merero ya me, kafa ke tswelelang ka gone, Tikiko,+ mokaulengwe yo o rategang e bile e le modiredi yo o ikanyegang mo Moreneng, o tla lo itsise sengwe le sengwe.+
22 Ke mo roma kwa go lona ka jone boikaelelo jono, gore lo tle lo itse ka ga dilo tse di amanang le rona le gore a tle a gomotse dipelo tsa lona.+
23 E kete bakaulengwe ba ka nna le kagiso le lorato ka tumelo go tswa kwa Modimong Rara le Morena Jesu Keresete.
24 E kete bopelonomi jo bo sa re tshwanelang+ bo ka nna le botlhe ba ba ratang Morena wa rona Jesu Keresete ka go sa bole.
