Yona 3:1-10
3 Tsô Yehova ôr kwagh a Yona sha kwa har, kaa ér:+
2 “Mough, za ken Ninive+ zegegar la, za yôô loho u me ôr u ne.”
3 Maa Yona mough yem ken Ninive+ er Yehova kaa nahan.+ Ninive lu zegegar u kehen*—i tôô or ayange atar u zenden ker tseren.
4 Tsô Yona za nyôr ken gar la, a er zende u iyange i môm, lu yôôn ér: “Shi ayange 40 tseegh tsô, a tim Ninive kera.”
5 Nahan ior i Ninive na Aôndo jighjigh,+ shi ve yôô ér i̱ hôr kwaghyan shi i̱ haa akondo a zungwen* iyol, hii sha mbavesen zan zan nyôr sha mbakiriki.
6 Loho la ngu nyer a tor u Ninive yô, a mough sha ikyônough nagh ki torough kera, a er akondo a na a tor, maa a haa akondo a zungwen* iyol, a shar shin mtuhwe.
7 Heela tseegh ga, tor kaa ér i̱ yôô ken Ninive cii ér,“Ka tindi u tor man ior nav mba icivirigh ve we je ne: Or shin zendenya shin ibua shin iyôngo, ve de ye kwagh môm ga. Ve de ye kwaghyan ga, shi mngerem tsô kpa ve de me ga.
8 Ve haa akondo a zungwen* iyol, or man zendenya cii; ve yila Aôndo sha gbashima, ve undu igbenda ve i ifer la, shi ve de u eren ipila.
9 Or fe ga, alaghga Aôndo u mimi una hide una hen sha mi,* nahan una kera er kwagh u a we ishima la ga, shi ishima a kera vihi un kpishi ga, sha er se tim ga yô.”
10 Aôndo u mimi nenge a kwagh u ve er la, a nenge er ve undu igbenda ve i ifer la yô.+ Nahan a hide a hen* sha kwaghbo u kaa ér una va a mi sha a ve la, a kera va a kwaghbo shon ga.+
