Yona 2:1-10
2 Tsô Yona er msen hen Yehova Aôndo na ken iyav mbu ishu la,+
2 A kaa ér:
“Shighe u m lu yan ican la m yila Yehova, nahan a ungwam.+
M vaa shin atô* u Uwaregh* mer a wasem.+
Nahan a ungwa imo yam.
3 Shighe u u kendem shin ijiir i zan, shin atô u zegemnger la,Yuhwa mnger tôôm.+
U er agôndoamnger a taver va uvem.+
4 Nahan m kaa mer, ‘U zendam sha ishigh you kera!’
Me er nan ve shi me kenger icighan tempel wouwe?’
5 Mngerem uve a mo, m lu nôngon u kpen;+Iv mnger uve a mo.
Toho kangem sha ityo.
6 M mile m yem shin ape iwo i we ityô la.
M nyôr shin uwar,* nahan i wuhe ihinda i u gbem sha won.
Kpa u dughum shin ihyungwa, we Yehova Aôndo wam.+
7 Lu we Yehova m umbur shighe u m lu nôngon u kpen la ye.+
Tsô u ungwa msen wam ken icighan tempel wou.+
8 Mba ve civir ieev mbi gbilinigh la, ka ve hungur un u a tese ve dooshima tsung la.
9 Kpa mo yô, me na u nagh a ishughun sha mi.
Me na kwagh u m tsegh zwa la.+
Ka Yehova ka a na myom ye.”+
10 Shighe karen yô, Yehova lam a ishu la, nahan i za sua Yona sha tar.
Ngeren mba shin kpe
^ Zwa Heberu, “iyav.”
^ Shin “Sheol,” ka uwar u uumace je la. Nenge Ngeren u Pasen Asember.
^ Zwa Heberu, “tar.”
