Yoel 3:1-21
3 “Nenge! sha ayange la man sha shighe la,Zum u me hide a ior mba ken Yuda man ken Yerusalem mba yange i yem a ve uikyangen la,+
2 Me shi me kohol ior mba ken akuraior ciiNahan me va a ve hen Pev* u Yehoshafati.*
Me ôr ve ijir heregh+Sha ci u ior av man sha ci u Iserael u a lu dyako wam la,Gadia ve sambe ior av ken akuraior,Shi ve kar inya yam ker ayol a ve.+
3 Ve tôô ior av ve gbidye do a mi;+Ka ve tôô wanyenomso ve na ityumbu ve ngohol agbagaShi ka ve tee wanyekwase ve yam wain ve ma.
4 Shi ka nyi i zough u a mo,We Tiru man Shidon man ne ajiir a ken Filitia ciilii?
Ne mba oron mo iyev sha ci u ma kwagha?
Aluer ne mba oron mo iyev yô,Mo kpa me hide me or iyev sha aven fese je.+
5 Ne tôôm azurufa man zanaria,+Shi ne nyôr a akaa a am a injaa a hemban doon cii la ken utempel enev;
6 Shi ne tôô ior mba ken Yuda man mba ken Yerusalem ne tee Mbagrika,+Sha er ve̱ gba ica a ijiir ve yô;
7 Sha nahan yô, m ngu moughon a ior av hen ijiir i yange ne tee ve la, me hide a ve,+Nahan me hide me or iyev sha a ven.
8 Me tee Mbayuda ônov enev mba nomso man mba kasev,+Nahan ve di vea gema ônov enev mbara vea tee ior i Sheba, ikyurior i i lu ica la;Gadia ka kwagh u Yehova iyol na a kaa je ne.
9 Yôô kwagh ne hen akuraior:+
Wa nen iyol i* utya! Taver nomso mba ageev asema!
Ushoja cii ve kporom ikyua, ve mough a yem ityav!+
10 Tôô nen ikyav yenev mbi kahan sule la var nen usanker a mi, man ahô a en a sôron ikyon i wain la di, var nen awange a mi.
Or u nan vôr kpa nana kaa ér: “M ngu a agee.”
11 Va va wase nen, ne akuraior a ne kase la cii, kohol nen imôngo!’”+
Sen a mbaageev ou* hen ijiir la Yehova.
12 “Akuraior a mough a va shin Pev* u Yehoshafati;Sha ci u ka hen ijiir la, me tema me ôr akuraior a a kase la cii ijir ye.+
13 Va nen a loji wen sha ci u sunda kuma.
Sen va shoghor nen atam a wain sha ci u ihyungwa i shoghor wain iv.+
Zar u wain iv sha ajiir a koson wain haa inya sha ci u iferkwagh i akuraior la ngee.
14 Ikpelaior, ikpelaior kohol shin pev* u ijirôron la,Sha ci u iyange i Yehova una ôr ior ijir her la i̱ zurum.+
15 Iyange man uwer vea wa ime,Shi asan aa kera wanger ga.
16 Yehova Aôndo una ngor imo ken Shion,Shi una lam genger genger ken Yerusalem.
Nahan sha man tar vea tenger;Kpa Yehova una lu ijiir i yeren sha ci u ior nav,+Shi una lu imagh ki taver sha ci u ior i Iserael.
17 Ka nahan man ne fa er mo m lu Yehova Aôndo wen,M tem ken Shion, u a lu icighan uwo wam la ye.+
Yerusalem una hingir icighanjiir,+Shi mbavannya* vea kera kar ker ga.+
18 Sha iyange la wain u nyohon una due sha iwo,+Shi atumba aa kua sha agungu,Shi mngerem ma a iv shin ukungwa mba Mbayuda cii,Mngerem ma a due ken iyou i Yehova+Ma a za ur Pev* u Ikyon i Akashia.*
19 Kpa Igipiti una hingir ice,+Shi Edom una hingir taaikyôngo u kwagh a lu her ga yô,+Sha ci u iferkwagh i í er a ior i Yuda,+Mba i woo ior mba ishôôv ken tar ve la.+
20 Ior vea za hemen u lun ken Yuda,Shi ior vea lu ken Yerusalem sha ikyov ikyov.+
21 Me tôô iboawambe i yange i lu sha a ve la kera;+Nahan Yehova una tema ken Shion.+”
Ngeren mba shin kpe
^ Shin “Pev u Lun Gburumaa.”
^ Inja na yô ér, “Yehova Ka Orjir.”
^ Zwa Heberu, “Wanger Nen Iyol sha Ci u.”
^ Shin “mbautyaav ou.”
^ Shin “Pev u Lun Gburumaa.”
^ Shin “pev u lun gburumaa.”
^ Shin “ushirmbaiorov.”
^ Shin “Pev u Lun Gburumaa.”
^ Akashia ka kon u lun a asaa. Ngu kposo a kashia u ior ve fe un nyian ne.
