Sefania 2:1-15
2 Kohol imôngo, een, kohol nen imôngo,+Ne ikyuior i lun a kunya ga ne.+
2 Er kwagh u i ôr la a lu a er ga,Man er iyange la i lu a kar kera er imough nahan ga,Man shi er ishimavihin i Yehova i tsung la i lu a va sha a ven ga,+Kua er iyange i iyugh i Yehova i lu a va sha a ven ga ne,
3 Ker nen Yehova,+ ne mbaasemaleghlegh* mba sha tar cii,Ne mba ne kuran atindi a na a perapera* la.
Ker nen perapera, ker nen ishima i legh legh.*
Nahan alaghga a yer ne sha iyange i iyugh i Yehova la.+
4 Gadia Gasa una hingir gar u or kera tem her ga yô;Man Ashekelon kpaa una hingir ice.+
A zenda Ashedodi kera iyange sha tembe,*Ekeron kpaa a wuhe un kera.+
5 “Kwagh a tser mba ve tem hen kpezegemnger la, ne ikyurior i Mbakereti!+
Yehova na ne ishô ga.
Me tim u kera, we Kaanan tar u Mbafiliti,Sha er or môm nana kera shi ken a we ga yô.
6 Nahan kpezegemnger la ua hingir ijiir i ilev yan toho,Azôr aa lu her sha ci u mbakuranilev kua ityôr i iyôngo.
7 Ua hingir ijiir i asande a ya u Yuda a a shi her la;+Vea yaan kwagh heregh.
Vea yaven inya ken ayou a Ashekelon aikighe.
Sha ci u Yehova Aôndo ve una hide a ver ishima sha kwagh ve,*Una hide a ior vev mba i yem a ve uikyangen la.”+
8 “M ungwa ilyahan i Moabi+ man ityuhwanev mbi Mbaamon,+Ve mba ve nahan ior av tar, ve kaan sha ihyagh ér vea ngohol ve tar* la.+
9 Sha nahan yô, er m lu u uma ne,” ka kwagh u Yehova u akum a sha, Aôndo u Iserael, a ôr je ne,“Moabi una hingir vough er Sodom nahan,+Mbaamon kpaa er ka Gomora yô,+Ijiir i imo menden her man ihyungwa bar, a lu ice gbem sha won.+
Ior av mba ve shi la vea ya ve ishar,Asande a ikyurior yam kpaa aa ngohol ve akaa.
10 Ka kwagh u vea zua a mi sha ihyagh ve la je la,+Sha ci u mba manger sha ior mba Yehova u akum a sha, shi ve naha ve tar kpaa.
11 Yehova una cier ve iyol;Gadia mbaaôndo mba tar ne cii una na ve kunya,*Shi akuraior a a tem ken uicile cii aa gure un inya,*+Hanmô ve hen ijiir i nan.
12 Ne Mbaetiopia kpa me sôngo ne sha sanker wam.+
13 Una naregh uwegh nagh vegher u imbusutarimese una tim Ashiria,Una er Ninive a hingir ice,+ una uma er desereti nahan.
14 Akum a uile man hanma inja inyamtoho cii vea yaven inya hen ijiir na.
Akumedu man adendem vea tsa ken mtem ma mtôm nam.
A ungwa imo sha windou.*
Alôgh aa lu sha tsembe u hen hunda;Gadia una bugh ikpande i sedar la kera.
15 Ka gar u yange tema gbangelaa, kehe un iyol yum ne.
Lu kaan ken ishima na ér, ‘Ka mo je ne, orgen ngu ga.’
Nenge er a hingir kwagh u ndôhôrshima sha wono,A hingir ijiir i inyamkyume yaven her!
Hanma or u karen her cii nana gbire iwer nana ta hwa.”+
