Nahum 3:1-19
3 Kwagh a tser gar u haan awambe inya ne!
A iv a icugh man iv.
Den ishar i yan sha won ga!
2 M ungwa iov i akpa man ihyuran i akaver,Anyinya nga eren yar, akekeautya nga uvan.
3 M nenge a orhendan nyinya man sanker u lun jinge ji jinge kua iwange i lun muenem muenem,Ikpela i mba i sôngo ve la man atihi a ikyom i ior.
Ikyom i ior ngee je gande ôron.
Ior zer nôngon gbeev sha ikyom i ior.
4 Ka sha ci u aeren a idyaa a gbagakwase la a er kpishi la, kwagh a lu nahan ye,Un u a doo kwase, a kom ashe, shi a lu ngô u mbaakombov,U a kôr akuraior kpishi sha idya na i eren, shi a kôr icombor sha asor a na a kpehen la.
5 “Nenge! M ngu num a we,”* ka kwagh u Yehova u akum a sha a kaa je la,+
“Me kôvor we ikyondo ia cir u ishigh;Me er akuraior aa nenge idyelegh wou,Ityartor ia nenge kunya wou.
6 Me haa u hôngor iyol,Me er u ú hingir kwagh u ndôhôrshimaMan kwagh u kunya u hônon ave a mi.+
7 Hanma or u nan nenge a we cii nana yevese we,+ nana kaa ér,‘Ninive hingir ice!
Ka an nana zungwe a na imôngo?’
Ka han me zua a mba surun we ishima?
8 U hemba No-amon*+ u yange tema hen agbaa a Nil laa?+
Yange mngerem kase un;Inyaregh nagh lu zegemnger, kpekpe na kpaa lu zegemnger.
9 Etiopia kua Igipiti lu agee a na a lun a ikighir shio.
Puti+ man Libia lu mba wasen un.+
10 Man un je kpa i kôr un i yem a mi;Yange i yem a na uikyangen.+
Ônov nav kpaa i ta ve inya ve sombo vughô vughô sha hanma igyoom i godobi cii.*
I er ishor sha mbacivirigh nav,I kange mbavesen nav cii sha mshirim.
11 We kpa u hingir er ka or u hunden msôrom nahan;+U gba keren u yeren.
U ker ijiir i yeren mbahyomov ou.
12 Ugirgar ou cii mba er ka ikyon i tur i i lu a atam a a hii vian nahan;Aluer i ndoor a yô, aa haa ken zwa u mbayan.
13 Nenge! Ushoja ou mba hen atô wou er ka kasev nahan.
Ihinda i ken tar wou ia lu ivegher mbaa, ia lu keghen mbahyomov ou.
Usu ua hia uishindan mba ihindav ou.
14 Kese mngerem sha ci u ityav mbi mbi kase u la!+
Taver ugirgar ou.
Hungwa shin inya i hôron,* shua inya;Tôô blôôku u tan akam.
15 Nahan je kpa usu ua hia u purututu.
Sanker una tser u kera.+
Una ya u er agumaikyomon ka a ya kwagh nahan.+
Seer ior ou ingyegh er agumaikyomon nahan!
Een, seer ior ou ingyegh er ikyomon nahan!
16 U seer mbakasuav ou ngee hemba asan a sha kwavaôndo.
Gumikyomon la ov iyol purugh yem.
17 Mbakuran ou mba er ikyomon nahan,Ukurmbautyaav ou kpaa mba er ikpela i ikyomon yô.
Ka ve va haa ken ityôr sha iyange i wuhegh,Kpa oo ua va taan yô, ve purugh ve yem kwagh ve;Or môm nan fa ape ve lu ga.
18 Mbakuran ou mba a mnyam ashe, we tor u Ashiria;Ashagbaior a ou tema ken ayou a ve.
I sambe ior ou mba sha iwo,Man or môm ngu kohol ve imôngo ga.+
19 Kwagh u a tser u la gande u zuan a mpever.
Ivav you ia fatyô u been ga.
Mba vea ungwa kwagh wou cii vea kure ave;+Gadia ka an je nan de yan ican sha ci u ifer you i u zer eren laa?”+
