Sé mak ema Nefilím?
Bíblia nia resposta
Ema Nefilím mak jigante sira neʼebé forte liu no halo violénsia. Sira mak oan husi anju aat neʼebé nakfila an ba ema no hola feto sira iha mundu durante Noé nia tempu. a
Bíblia dehan katak “anju sira hahú haree katak ema nia oan-feto sira bonita”. (Génesis 6:2) Anju sira-neʼe kontra Maromak bainhira sira “husik tiha sira-nia hela-fatin neʼebé loos” iha lalehan, nakfila an ba ema, no “komesa hili feto hotu neʼebé sira hakarak hodi sai sira-nia feen”.—Judas 6; Génesis 6:2.
Anju aat sira-neʼe nia oan la hanesan ho ema nia oan sira baibain. (Génesis 6:4) Ema Nefilím mak jigante neʼebé siʼak no halo mundu nakonu ho violénsia. (Génesis 6:13) Bíblia hatete katak “oan sira-neʼe iha kbiit boot no naran-boot”. (Génesis 6:4) Maski ema Nefilím mate mohu ona, maibé sira-nia hahalok kontinua book ema atu halo violénsia no sente taʼuk.—Génesis 6:5; Números 13:33. b
Hanoin neʼebé sala kona-ba Nefilím
Hanoin neʼebé sala: Ema nefilím sei moris iha mundu ohin loron.
Faktu: Jeová halo rai-nabeen neʼebé taka mundu tomak no halakon ema hotu neʼebé halo violénsia. Ema Nefilím mate hamutuk ho ema aat hotu. Maibé, Noé no ninia família deʼit mak halo kontente Jeová no hetan salvasaun.—Génesis 6:9; 7:12, 13, 23; 2 Pedro 2:5.
Hanoin neʼebé sala: Ema Nefilím nia aman mak ema.
Faktu: Ema Nefilím nia aman mak “Maromak nia oan-mane sira” ka anju sira. (Génesis 6:2, nota; Job 1:6; 2:1; 38:7) Uluk, anju sira iha kbiit atu nakfila an ba ema. (Génesis 19:1-5; Josué 5:13-15) Apóstolu Pedro koʼalia kona-ba “anju sira neʼebé iha dadur laran, neʼebé uluk kontra Maromak kuandu Maromak hein ho pasiénsia iha Noé nia tempu”. (1 Pedro 3:19, 20) Judas neʼebé hakerek Bíblia mós esplika katak anju balu “la kaer metin ba sira-nia pozisaun hodi husik tiha sira-nia hela-fatin neʼebé loos”.—Judas 6.
Hanoin neʼebé sala: Ema Nefilím mak anju aat.
Faktu: Kontestu husi Génesis 6:4 hatudu katak ema Nefilím laʼós anju maibé sira mak anju aat nia oan. Anju aat nakfila an ba ema no halo relasaun seksuál ho feto sira iha mundu no sira iha oan neʼebé bolu nuʼudar ema Nefilím. Kuandu anju sira “komesa hili feto hotu neʼebé sira hakarak hodi sai sira-nia feen”, Jeová hatete katak iha tinan 120 tan nia sei halakon ema aat hotu neʼebé hela durante tempu neʼebá. (Génesis 6:1-3) Istória neʼe hatutan tan katak “durante tempu neʼebá”, anju neʼebé nakfila an ba ema “halo relasaun seksuál ho ema nia oan-feto sira” no sira sai aman ba “oan sira” neʼebé “iha kbiit boot”, neʼe mak ema Nefilím.—Génesis 6:4.
a Liafuan Ebraiku “Nefilím” karik signifika “Halo monu”. Livru Wilson’s Old Testament Word Studies hatete katak liafuan neʼe refere ba ema neʼebé “monu ba ema seluk nia leten hodi halo violénsia no hadau sira-nia sasán, no halo ema sira-neʼe monu”.
b Tuir Números 13:33, espiaun sira husi Izraél haree ema ain-aas tebes, neʼe halo sira hanoin fali kona-ba ema Nefilím neʼebé mate mohu ona tinan atus ba atus liubá.—Génesis 7:21-23.
Karik Ita sei gosta
PERGUNTA KONA-BA BÍBLIA
Anju aat sira iha duni ka lae?
Anju aat sira mak kriatura hanesan saida? Sira mai husi neʼebé?
KONA-BA AMI
Husu atu hetan vizita
Halo diskusaun kona-ba Ita-nia pergunta ruma neʼebé liga ho Bíblia, ka aprende liután kona-ba Testemuña ba Jeová.